MATTHEW 24:24 - Kathara Bible (BSI)

²⁴ Kaja minama Khrista kala minama marānbing shokta, shapakha kapangkhui kahaibingli eina tangda thānngui khavai khudamla kala matakhak kahai otsakla kachungkha chitheira.

MATTHEW 24:24 Iomraidhean Croise

ISAIAH 9:15

arara kala khayākakāpā chi akuina, kala kakapik tamkachitheia marān chi akhameina;

MATTHEW 22:14

Khikhalajila hokakhui kachungkhaya, kha kapang kakhui kateokhamanga.”

MATTHEW 24:11

Kala minama marān tarākha shokta mi kachungkhali thānnguira.

MATTHEW 24:22

Kala zimikshobing chi masha̱sang ngasakakha, mikumo akhala mahuikhuimara; kha kapangkhui kahai mibingwui vang eina zimikshobing chi sha̱sang ngasakra.

MATTHEW 24:25

Yanglu, ina nathumli sāngngarānda hāngkahaina.

MATTHEW 24:31

kala kapanga talla̱khon eina ngasoda ana awui kazingraobingli chihoshokra kala athumna awui kapangkakhui mibingli achikun matiwui eina, kazingram akatang akhawui eina akatang akhali vāshungda khaleibingli kazipkhuira.

MATTHEW 24:5

Kaja mi kachungkhana iwui ming singda rālaga ‘Khrista chi ina’ da hāngra kala mi kachungkhali thannguira.

MATTHEW 7:15

“Minama marānbingli ngasharlu, athumna yaohui ngavaikhaninglaga rai, kha alungle athum sākakathān ramfa kathāna.

MARK 13:22

Minama Khrista kala minama marānbing shokra kala shapakha Varena kapangkhui kahaibingli thanngui khavai khudamla kala matakhak kahai kachungkhala athumna chitheira.

LUKE 18:7

Chithākha ngashun ngayā mateila ngachonmi khavai chapta kapo awui kapangkhui kahai miyurli Varena mashun bichar masāmimaralā; ana ngarainganaoralā?

JOHN 4:48

Chieina Jishuna ali hānga, “Nathum hiya machut kala matakhak kahai otsak matheiranglakha eina tangda mashitsangmana.”

JOHN 6:37

Avāna ili khamibing saikora china ili rāra, kala ili kharā mi chili ina mahorhaimara.

JOHN 6:39

Ili kashirātana ili sāngasakkhangai chi hina; chiya, ana ili mikahai saikora chi akhala mashimān ngasakla khanao zimiksholi ina athumli ringshok ngasakserphalungra.

OTSAK 20:16

Asia ngaleili atam mashimān khavai Paulna Ephesus kānda marikhong tonglaga zatkhavai phaninghaowa, kaja shapakha Pentecost zimiksholi ā Jerusalemli leisa khavai katotlak eina zathaowa.

ROMNAO 12:18

Mi saikorali mashitri eina okthuirum khavai kashap eina tangda sālu.

GALATIANAO 4:15

Nathum ringphālaksai, ara khi sāthu? Sāpaisi kaja nathumwui mik latshoklaga ili mihairara kaji hi ina hāngshapa.

KHALATLUI 13:1

“Nathumwui eina marānbing nilala, mang kathei mi nilala shokta nathumli matakhak kahai lah khudam chitheilala,

2 TIMOTHY 2:19

Kha Varewui khangazipa shimphunga chi mangachei ngasakrarmana, kala chiwuitungli hithada kapihaida lei: “Prohona awui mibingli thei kala Prohowui mina kajibing chi makhamashungwui eina latungphalungra.”

1 PETER 1:5

Khanaowa zimiksholi phongmiki kaji huikhamili ngaraida ningtongda shitkasang mangā eina Varewui pangshapna mayonmida khaleina.

2 PETER 3:17

Kha ivānaongarā, nathumna hi rida theihaira, ningngasharlu, nathumli ain makhavai mibingna thannguihaipaishina kala nathumwui ningsā khangazip shimān ngasakhaipaishina.

1 JOHN 2:18

Naoshinaobing, hi khangachanga atamna. Khristali makhamayā rārada nathumli rida hānghaira, kala kachangmamakta ara Khristali makhamayā kachungkha shokhaira. Chieina hi khangachang atamna da ithumna thei.

1 JOHN 2:22

Ara kakapika chi khipā? Jishu hi Messiah maningmana da kahāngapā china. Chikathā mi chi Khristawui Yangkashena — ana Avāva̱lila, Anaolila khaninili mamayāmana.

1 JOHN 5:18

Varewui nao khipānakha morei sālui sālui majimana kaji ithumna thei, kaja Varewui Naomayarana ali yangmihaida makaphā china ali khikha masāthukmana.

PHONGKHAMI 19:20

Sāyur chili kala ali ngasoda minama marān, awui mangāli matakhak kahai ot sāda sāyur chiwui mahor namkahai kala awui ama̱li khokharumbingli minamkakhuiya chili tuknarhaowa. Ani khanili meiri eina chuida khalei meiwui ngayili kharing eina horsanghaowa.