MATTHEW 24:21 - Kathara Bible (BSI)

²¹ Kaja chitharan shokki kaji kakhanang kachot chi haokaphokwui eina thuilaga aja rāshungda mashoklakranga, kala mashokluilakmara.

MATTHEW 24:21 Iomraidhean Croise

EZEKIEL 5:9

Kala nathumwui ningkakachai otsak saikorawui vang, ina masālakrang kaji kala naodala masāluilaki kaje ot chi sāra.

DANIEL 12:1

“Atam chitharan nawui mibingli yangkhame khareia wungnao Michael rārāsāra. Kala kachotkachāng atam rāra, yur leikaphok eina thuida atam chi eina tangda, chikathā mashoklakranga. Kha lairikli aming kazanga nawui mibing kachivali kanmira:

DANIEL 9:26

Haptā hangtharukta khaniwui thili thao neomi kahai akhali katathaida khikha maleimara; kala rāki kaje wungnaowui mibingna keinungla, kathara shimla sākazamhaora, khangachang atam chi tara̱ kaphong eina ngasorāra, kala khangachangli rai shokra; ramkachola khak tāhaira.

JOEL 1:2

Nganālu, O khararnaobing, shākhuilu, ngalei hiwui mibing saikora! Nathumwui atamlila, navā ngarāwui atamlila hikathā kashokhairala?

JOEL 2:2

tangkhamang khangami thangkha, muiyāna tangmangting kahai thangkha, chiyākha matheilakrang kaje, naodala matheiluilaki kaje, kapanga yur akhawui mi kachungkha kaphung pemluishitra.

MALACHI 4:1

“Kaja yanglu, sharkha̱ thāda kachuiya zimiksho akha rāra; chithang lāngkaso kala makaphā kasābing lanji thāhaora; rārāda khalei zimiksho china chibing chuikhuphaida angayungla, aphāngla mashākmimara da saikorawui Prohona hānga.

MATTHEW 24:20

Nathumwui khayām chi sikachāng lah Sabbaththang mashok khavai seihā sālu.

MATTHEW 24:29

“Kachotkachāng atamwui thichangli zimikla tangmanghaora, kachāngla mahorluimara, kazingramwui eina sirābingla tātungra kala kazingramwui pangshapla nganukhaora;

MARK 13:9

“Kha nathum khalatta ning ngasharlu, kaja nathumli athumna kārotli khuikara; nathumli synagogueli kashaola shaora; kala iwui vang nathum khamungbing eina awungabingwui mangāli shākhi mikhavai kānganingra.

LUKE 21:24

Athum kaikhali raighai eina shātthatra, khangateibingli narkahai rao sāda yur saikorali khuivāra; kala yur khangateibingna Jerusalemwuitungli naikazamra.”

1 THESSALONICANAO 2:16

Huikhami khuirāki kaji paokaphā chi Gentilebingli mahāshok khavai ithumli athumna hapa.

PHONGKHAMI 16:18

Chithākhaleoda rikhān phikphik phākphāk ngasheida, kazing ngashuma, kala neina̱ panglāk eina khanuka. Okathuili mi okthuikaphok eina thuida aja rāshungda chikathā mashoklakranga.

PHONGKHAMI 7:14

Chieina ina ali ngahānkai, “Amei, nana katheina,” Chieina ana ili hānga, “Athum hiya kachotkachāngwui eina shokkahaibingna kala athumwui sāri Yaonaowui ashee eina ngasa̱hailaga charshi eina sākhui kahaibingna.