MATTHEW 24:2 - Kathara Bible (BSI)

² Kha Jishuna athumli ngahānkai, “Nathumna saikora hi katheina, maningmala? Ina kachangkhat nathumli kahāngna, mahorkathānhaila ngalung akhawuitungli ngalung akha leiki kaji akhala maleimara.”

MATTHEW 24:2 Iomraidhean Croise

JEREMIAH 26:18

“Moreshethwui Micahna Judahwui awunga Hezekiahwui atamli Judah mi saikorali marānmi: ‘Saikorawui Prohona hānga, Zionli seiot kakhui thāda khuira, Jerusalem ngayānghaida khorkazam kahai ngasāra, Khorumshim sāhaida khalei phungrei hi ngahong ngasāhaora.’

MICAH 3:12

Chiwui vang eina, nathumwui vang eina Zionli lui kasao thāda saora; Jerusalem katek-kakai khorkahai thāra, kala khorumshimwui kaphung chila ngahong kashā ngasāhaora.

LUKE 19:44

Athumna nathumli kala ngaveilungli leikasā naongarā saikora shimān ngasakra; lunggui akhawuitungli lunggui akhala maleiluimara, kachiwui vangkhala kaja Varena nali huikida kharā atam nana matheimana.”

2 PETER 3:11

Ot saikora hithada shimān ngasaki jihaoda nathum kachikathā mi ngasāra? Nathumwui mirin chi kathar eina Vareli chigatphalungra.

PHONGKHAMI 21:22

Keinung lungli khorumshim khalei matheimana; khikhalajila chiwui khorumshim che Proho Varivara kala Yaonao china.