MATTHEW 24:15 - Kathara Bible (BSI)

¹⁵ “Masai khangasak ningkakachai ot da marān Danielna hānghaikasa china katharapamli khanganing chi nathumna kathei tharan (pākakhuia china bhap tākhuiranu),

MATTHEW 24:15 Iomraidhean Croise

JEREMIAH 44:29

Hi eina nathumna machutkhuipaira kaja, apam hili ina tandi mira, chieina nathumli makhamayā kalākashi khuirāra da ina hāngkahai chi kachangkhata da nathumna theikhuipaira:

EZEKIEL 40:4

Kala mi china ili hānga, “Miwui naomayara, namik eina yanglu, kala nakhanā eina nganālu, kala ina kachithathei saikora naningli shāphailu, kaja nali chithei khavai ina hili khuikharāna; theida khalei saikora Israelwui shimkhurli hānglu.”

DANIEL 1:6

Athum chi Judah shangnaowui eina Daniel, Hananiah, Misha-el, kala Azariah hibingna.

DANIEL 11:31

Awui eina raimibingna rāda khorum khavaishim, kala raipan sāmakhaora, kala rikkatāchigat chikatching kaje hanphut chila khuithuihaora. Kala chili shimān khavaiwui ningkakachai ot chi athumna sakāra.

DANIEL 12:11

“Machatlakla rikkatā kachigat chihohaida, shimān khavai ningkakachai ot sākaphok, atam khani hiwui ngachaili zimiksho thingkha shākhani hangchikothang leira.

DANIEL 9:23

Nana seihā sākaphok tharan tui akha shoka, kala nali chi hāngkida kharāna, kaja nali leishilaka; chiwui vang eina tui hi chukmajakazakta mang chi theishingkhuilu.

DANIEL 9:25

Chieina theilu kala bhab takhuilu kaja, Jerusalem hanmida sakālui khavai kakaso mithang eina thuilaga, thao neomi kahai, wungnao akha kharā eina tangda haptā shinira. Chiwui thili haptā hangtharukta khaniwui vang shongfa eina kuikhamarei raipanra̱shong sākhuira, kha hi kakhanang atamli shokra.

DANIEL 9:27

Ana haptā akhawui vang kachungkhali mangacheikapai tuingashit khuira, kala haptā chiwui ngahunshing khavā eina athumwui pha̱kaphayā kala kachigat saikora khāmmihaora; chiwui mahutli Khorumshimwui chuimeikap kajeli khalei katharapam chili ningkakachai yangkakharing meoma̱ haihaora kala Varena mipa chiwui vang ngarān kahai athit chi marāranglakha eina tangda leiki jihaoda mi khipanakha makhorumpaithuda katharapam chi ramcho kahai thahaora.

MATTHEW 24:16

Judeali leikasābingna phungreibingli yāmvāranu;

MARK 13:14

“Kha masaimi kahai ningkakachai ot china maleikharān apamli khalei nathumna kathei tharan(pākakhuibingna bhap tākhuiranu) Judeali khaleibingna phungreili yāmkāranu;

LUKE 19:43

kaja nathumwuitungli ka̱lākashi atam chi rārāsāra, chitharan nathumwui yangkashebingna raipan sālaga rākuinamhaora kala achithek kachiva̱wui eina muirāra.

LUKE 21:20

“Kha Jerusalemli raimina kuikhanam tharan kashimān atam nganaiura da theilu,

JOHN 11:48

Ithumna ali hithada chihohaiakha mi kachiva̱ ali shitsanghaora, kala Rome shorkarna rāda ithumwui khorumshim kala yur hi shimān ngasakhaora!”

OTSAK 21:28

“Israelnaobing, ngachonmilu, apam kachiva̱li yaoung yaovālaga, Israelwui mibing, Moseswui ain kala khorumshimli makhamayā tamkachitheipa chi hina. Chili lāngda ana khorumshimlungli Gentilewui mi khuizanglaga tharkhamathengpam makhao ngasakhaira.”

OTSAK 6:13

Kala athumna makhamashunga shākhi khuirāda hānga, “Mipa hina kathara apam hili kala Moseswui ainli makhamayā tui matuishonda lei.

HEBREWNAO 2:1

Chiwui vang eina ithumna shākahai khamashung chi ngazipmeida singphalungra, chithākha ithum chiwui eina mangaphongthuimara.

PHONGKHAMI 1:3

Phongkhami tuibing hi kapā mi, kala kashābing kala hiwui alungli kapi kahai otbing khuikasangbing ka̱lā mahairanu! Kaja atam chi nganaihaira.

PHONGKHAMI 3:22

“Manglāna churchbingli kahāng chi khanā kakaa a china nganākhuiranu!”