MATTHEW 23:9 - Kathara Bible (BSI)

⁹ Kala okathuili mi khipālikha avā mahoalu, khikhalajila nathumwui Avā akhamanga, ava kazingramli lei.

MATTHEW 23:9 Iomraidhean Croise

2 WUNGNAOBING 13:14

Elishali athitlamwui kazāt kakazā chitharan Israelwui awunga Joashna ali tāyanga, kala “Ishāvā, ishāvā, siguigari kala raimibing thada Israelli kankhame” da chapa.

2 WUNGNAOBING 2:12

Elishana chi theilaga, “Ishāvā, ishāvā, siguigari kala raimibing thada Israelli kankhame!” da chapa. Kala ali matheiluithuwa. Kala awui kachon khuilaga akai khani sāda serkhākhaowa.

2 WUNGNAOBING 6:21

Israelwui awungana athumli kathei tharan Elishali hānga, “Avā, ina athumli sāthathaorala? Athumli sāthathaorala?”

MALACHI 1:6

“Naomayarana avāva̱li khayāshi, kala raona akhavāli khayāshi. Chithākha, I avāva̱ akhana jilaga ili khayākashi kali leili? Kala I akhavā akhana jiakha ili khangachee kali leikhala? da saikorawui Prohona awui mingli yangkakharinga, pāngmonbing, nathumli kahāngna. Nathumna hānga, Ithumna nawui mingli kathāda yangkharinghaokhala?

MATTHEW 23:10

Nathumli akhavā dala maho ngasakalu, khikhalajila nathumwui akhamāng kaje akhavā che Khristana.

MATTHEW 6:32

Kaja Gentilebingna katonga hi phāzata; kala nathumna saikora hi darkar sai kaji nathumwui kazingramwui Avāna thei.

MATTHEW 7:11

Nathum maphāsālala nathumwui naongarāli khamathā ot mitheiakha, kazingramli khaleia nathumwui Avāna ali kapobingli kayākha mataimeida mirakhala?

OTSAK 22:1

“Ivānao ngarā kala ishāvā ngarā, ina nathumwui mangāli I khalattawui vang kaphayat hi khanganāmilu.”

1 CORINTHNAO 4:15

Khristawuili nathumli thankhame thingthing leisālala Avāva̱ chiya akhamānga. Khrista Jishuwui mibing nathumli ina paokaphā khuirākhamiwui vang I nathumwui avāva̱ ngasāhaowa.

2 CORINTHNAO 6:18

I nathumwui avāva̱ sāra, nathum iwui naongarā sāra, da sāshapa Prohona hānga.”

HEBREWNAO 12:9

Okathui avāva̱ ngarāwuishong jiakha athumna ithumli machina kala ithumna athumli khayāshi. Chithākha Manglāwui avāva̱li kayākha sakmeida khayākashi eina ngasoda ringrakhala?

1 JOHN 3:1

Ithumli Varivarawui nao da homida Avāva̱na kayākha leishimihairakhala kaji yanglu; awui nao ngasā kachanghaira; okathuina ithumli makatheiva athumna Varivarali makatheiwui vangna.