MATTHEW 23:8 - Kathara Bible (BSI)

⁸ Kha nathumli ojā mahomara, khikhalajila nathumwui oja akha lei, kala nathum chinaongarāna.

MATTHEW 23:8 Iomraidhean Croise

MATTHEW 10:25

Sākhangatha̱ china awui ojāwui thada kala araona awui akhavāwui thada ningli kapen chi shapa. Athumna shimva̱ chili Beelzebul hoakha shimkhurwui mi kateibingli kayākha zakshimeikharda horakhala?

MATTHEW 17:5

Ana matuimahunglakha, yanglu, horchamri kahai muiyāna athumli ngapuikhamhaowa kala muiyālungwui eina akhon akha vaorada, “Hi iwui khaluma Naomayarana, ali Ina ningyāng unglaka, awui kahāng nganālu.”

MATTHEW 23:10

Nathumli akhavā dala maho ngasakalu, khikhalajila nathumwui akhamāng kaje akhavā che Khristana.

MATTHEW 23:7

kala athumna leihngaphāpamli athumli khayāshilak eina shalam kasā kala ojā da kaho ningchānglaka.

MATTHEW 26:25

Yorkazā Judasnala “Proho, chi ilā?” da ngahāna. Jishuna ngahānkai, “Chi nana hānghaira.”

MATTHEW 26:49

Judas hengsāda Jishuwuili vai kala, “Ojā, nali chingrihairanu” da hānglaga amaya̱ya.

MARK 10:51

Jishuna “Nana ili khi sāmi ngasakngaikhala?” da ngahāna. Khangapeoa china ngahānkai, “Ojā, imik theingasakmilu.”

MARK 11:21

Peterna phaningungda Jishuli hānga, “Ojā, yanglu! nana khonshi kahai khaorārong chi thengchenghaira.”

MARK 14:45

Judasna rākhaleoda Jishuwuili vai kala “Ojā!” da hānglaga amaya̱ya.

MARK 9:5

Chieina Peterna Jishuli hānga, “Ojā, ithum hili leikasā phālakhaira, ithumna nawui vang akha, Moseswui vang akha kala Elijahwui vang akha da rāmnao kathum sakhuisa.”

LUKE 22:32

Kha Simon, ina nawui shitkasang mangachei khavai seihā sāmihaira, kala nana ili hanungluishit kaji tharan navānaobingli ngatar ngasaklu.”

JOHN 1:38

Jishuna ngareiunga kala ani shurzatkasā chi theida hānga, “Khi phākazatkhala?” Anina ngahānkai, “Ojā, na kali pamkhala?”

JOHN 1:49

Nathana-elna Jishuli ngahānkai, “Ojā, na Varewui Naomayarana! Na Israelwui awungana!”

JOHN 11:8

Chieina sākhangatha̱bingna ngahānkai, “Ojā, achonthangcham nali Jihudibingna lunggui eina horkida sai, laga chili latungusa kajila?”

JOHN 20:16

Jishuna hānga, “Mary!” Chieina Maryna ngareiungda Hebrew tui eina “Rabboni!” ji. Hiwui kakhalatna “Ojā” kajina.

JOHN 3:2

Thangngayākha ana Jishuli rahānga. “Ojā, nava Varena chihokharā ojā akhana da ithumna thei. Sakahai machutbing hi Varena ngasokhami maningla khipānakha masārarmana.”

JOHN 3:26

Chieina athumna Johnli ahānga, “Ojā, Jordan kongwui zimikshovāk nali ngasokasā, nana awui maramli shākhi khamipā china hili ra̱hikmida leili, kala mi sorkhangasai awuili vāda lei.”

JOHN 4:31

Athum rāmahungda leilakha sākhangatha̱bingna Jishuli, “Ojā, phazākhuifalu” da hānga,

JOHN 6:25

Mibingna shamadruwui lākhavāk Jishuli kāsamphangda hānga, “Ojā, na katharan hili rāshung kajikhala?”

JOHN 9:2

Sākhangatha̱bingna ngahāna, “Ojā, mik ngapeoda kapharā chi khipāwui moreikhala, awuika ava̱ avāwui moreikhala?”

2 CORINTHNAO 1:24

Nathumna khili shitsangrakhala da hāngchithei khavai kasā maningmana; nathumwui shitkasang ngatarda lei kaji thei. Nathumwui ringphā khavai ithumna sakkharumaya.

2 CORINTHNAO 4:5

Ithumna hākashok hi ithumwui tui maningmana, kha Jishu Khrista hi Prohona kala Jishuwui vang ithum nathumwui raona da tamkachitheina.

EPHESIANAO 3:15

Kazingramlila okathuilila khalei shimkhur kachiva̱wui aming hi awui eina samkaphangna.

PHILEMON 1:16

Ara a hi raona jilala raoli mataimeikhārda Khristawui lungli leikashe chinaongarā akha sāhaira. Iwui vanga a hi aman saklaka. Kala Prohowui lungli rao kala chinaongarā akha sāda a hi nawui vang aman kayākha sakmataimeirakhala!

JAMES 3:1

Ivānaobing, nathum kachungana ojā mangasaaranu, khikhalajila nathumna thei kaja tamkachitheia ithumli sakmeida bichar sāra.

1 PETER 5:3

Nathumli mikahai athumwuitungli akhavā masaalu; kha yaobingna sha̱khui khavai acham sāchitheilu.

PHONGKHAMI 1:9

I nathumwui achinā Johnna, kala Jishuwui thikashura akha sāda, awui wungramwui mi ngasā kahaibingwuitungli kharā kakhanang kachot chi khāngda nathumli phungruma. Varewui tui kala Jishuna phongkhami mashuntui shākhiwui vang I Patmos kaho yikuiramli leisai.

PHONGKHAMI 19:10

Chieina ina ali khorum khavai ngakhumzanga kha ana ili hānga, “Chi mathāpaimara! ila na thada kala Jishuwui vang shākhi kasā nachinā ngarā thada otram ngatha̱kharuma akhana. Varivarali khorumlu.” Khikhalajila Jishuwui shākhi chi phongkhamiwui manglāna ngashitkhami chilaka.

PHONGKHAMI 22:9

Kha ana hānga, “Chi mathāpaimana! Iya nali, nachinā ngarā marānbingli, kala lairik hiwui tui khamayonbingli ngasoda otram ngatha̱kharum akhana. Vareli khorumlu.”