MATTHEW 23:39 - Kathara Bible (BSI)

³⁹ Ina nathumli kahāngna, arui hiwui eina thuida nathumna, ‘Prohowui mingli kharā mi chi sokhamina’ da mahāngranglakha eina tangda ili matheiluimara.”

MATTHEW 23:39 Iomraidhean Croise

LAA 118:26

Prohowui mingli kharā mi sokhami ngasāranu! ithumna Prohowui shim eina nathumli somi.

HOSEA 3:4

Kaja Israelnaobingna awunga, lah wungnao mavaila, pha̱kaphayāla, tarung, ephod kala teraphimla maleila atam kasāngkha sompamra.

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

MATTHEW 21:9

Jishuwui mangāli kala khanukli kazata mibingna “Davidwui naomayarali Hosanna! Prohowui mingli kharā a chi ka̱lā mahai! Chuimeikap kajeli Hosanna!” da panglāk eina vaowa.

LUKE 17:22

Chiwui thili ana awui sākhangatha̱bingli hānga, “Nathumna miwui Naomayarawui atam chi thangkhamāngla theingailala matheirarki kaji zimiksho rārāsāra.

JOHN 14:19

Hunkhawui thili apuk-apagva̱̱na ili matheiluimara, kha nathumna theira; kala ina kharingwui vang nathumla ringra.

JOHN 14:9

Jishuna ngahānkai, “Hirankha nathumli ngasopamhaira, laga ili matheirangla, Philip? Kachikathāna ili theihaiakha Avāli theikahaina. Chithākha khisāda Avāli chitheilu da hāngkhala?

JOHN 8:21

Jishuna athumli hāngluishita, “I thuihaora; nathumna ili phāra, phālala nathum nathumwui moreili thihaora. Ina vāki kaji chili nathum mavārarmara.”

JOHN 8:24

Nathum nathumwui moreili thira da ina hānghaira, kaja ‘I chi ilaka’ kaji mashitsangakha nathum nathumwui moreili thira.

JOHN 8:56

Nathumwui avāva̱ Abrahamna iwui kharā zimiksho theira da ringphai; kala ana chi theida ringphakhaihaowa.”

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.