MATTHEW 23:34 - Kathara Bible (BSI)

³⁴ Chiwui vang eina ina marānbing, thangkhameibing kala ain kathembing nathumwuili chihorai, nathumna kaikhali sāthatra, kaikhali krushtungli khāngkāra kala kaikhali synagogueli lijei eina ngaphitra kala athumli nathumna keinung akhawui eina keinung akhali rekharekra,

MATTHEW 23:34 Iomraidhean Croise

2 WUNGNAOBING 21:10

Kala Prohona awui rao marānbingli hāngngasaka,

2 THOTRINCHĀN 24:21

Kha athumna ngathumda ali mithit khalen sangda awungawui kakaso athishurda Prohowui shim yāngkhupli ngalung eina horthathaowa.

CHĀNSAM 11:30

Khangarongawui atheiva mirinwui thingrongna, kha ain makhangākana manglā khui.

JEREMIAH 26:8

Kala mibingli hānglu da Prohona Jeremiahli kakaso saikora hāngkahai tharan pāngmonbing, marānbing kala mi saikorana ali tukkhuida hānga, “Na thira!

JEREMIAH 36:26

Kala awungana awui naomayara Jerahmeel, Azri-elwui naomayara Seraiah kala Abdeelwui naomayara Shelemiah athumli kapime Baruch eina Jeremiahli atukkhui khavai kasoi; kha Prohona anili thummihaowa.

MATTHEW 10:23

Athumna nathumli keinung akhali rekakharek chitharan khangatei akhali yāmvālu; kaja Ina nathumli kachangkhat eina kahāngna, miwui Naomayarana marāranglakha eina tangda nathumna Israel keinung saikorali sākikaji ot masākuprangsāra.

MATTHEW 13:52

Chieina ana athumli hānga, “Chiwui vang eina kazing wungramwui vang tamchithei kahaia ain kathema kachiva̱ chiya shimva̱ akha kathāna, ana awui lan kazip kahai kāwui eina kadhara kala kachama lan khuikashok kathāna.”

MATTHEW 23:31

Chithada sāda nathum marānbingli sākathata mibingwui naongarāna kaji hi nathum khalatta kahāng china shākhi khamina.

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

JOHN 16:2

Athumna nathumli synagoguewui eina kashamshokra; makahatla nathumli shaokathata china awui otsak chi Vareli otram khangatha̱na da kaphaning atam rāra.

JOHN 20:21

Chieina Jishuna hāngluishita, “Nathumli chingrihairanu. Avāna ili kashirāt thada ina nathumli kashivātna.”

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

OTSAK 11:27

Atam chitharan marānbingna Jerusalemwui eina Antiochli vai.

OTSAK 12:2

Ana Johnwui agato Jamesli raighai eina sāthathaowa;

OTSAK 13:1

Chitharan Antioch churchli marānbing kala kachishutabing leisai, athum chiya Barnabas, Kazika kaho Simeon, Cyrenewui Lucius, Governor Herodli nganaokākhangaruma Mana-en, kala Saul athumna.

OTSAK 14:19

Chiwui thili Jihudinao kaikha Antioch kala Iconiumwui eina rālaga yarui chili suikhuida, Paulli lunggui eina thamngasaka kala thihairada phaninglaga keinungwui ayarli athumna shimenshokhaowa.

OTSAK 15:32

Judas eina Silas, anila marān sāthuda anina kasatsangmida avānaobing chili pangngsaka.

OTSAK 5:40

Chieina paokazatbing chili hosanglaga athumli shaowa kala Jishuwui ming singda mamatui khavai kasolaga thuingasakhaowa.

1 CORINTHNAO 2:6

Chithālala manglāwuili rarkahaibingli ina thangkhamei tui tamchithei. Kha thangkhamei tui chi okathuiwui maningmana lah shimānhaoki kaji okathui khamungabingwui pangshapwuila maningmana.

1 CORINTHNAO 3:10

Varena ili khami lemmet chiwui athishurda shim sākatha akha thada ina shimphung sema, kala khangatei akhana chiwuitungli shim sākai. Kha kasā mi china ningngasharlak eina sāranu.

COLOSSIANAO 1:28

Chiwui vang eina ithumna mi kachiva̱li Khristawui pongli hākashokna, kashap eina tangda thangkhamei tui eina ithumna mi kachiva̱ hi Khristawui lungli kākashunga mi akha sāda Varewui mangāli zangkhavai athumli machina kala tamchithei.

1 THESSALONICANAO 2:16

Huikhami khuirāki kaji paokaphā chi Gentilebingli mahāshok khavai ithumli athumna hapa.

HEBREWNAO 11:37

Athumli ngalung eina horthata, ngahunpattala hātkhai, raikhai einala yorthata. Athumna mehui, yaohui ngahonda okthui kala kachām-khangai rekakharek mirin kala kachotkachāng phunga.

PHONGKHAMI 11:10

Okathui mibingna ani kathiwui vang mathānmareoda kala ringphāda otla ngalon ngarokra, kaja marān khani china okathuili kapambingli chotchāng ngasaksai.