MATTHEW 23:27 - Kathara Bible (BSI)

²⁷ “Ain kathembing eina Phariseebing! phākakhaningabing! Nathumli kakhanang ringkashi ngasāranu; khikhalajila nathum hi teimachar kahai chikhurbing kathāna. Chiwui vang eina ayarli mathālak eina thei, kha alungliya kathibingwui ara̱kui eina makatharna pemting kahaina.

MATTHEW 23:27 Iomraidhean Croise

CHĀNSAM 26:23

Makaphā ningwui tāngpat kahai morchai ngaleiham ashamli ari neokahai thai.

MISHĀN 19:16

Kachikathāna kayang khareili raighai eina sākathat angun, lah thikahaiya angun, lah mira̱kui, lah chikhurli saza̱akha, zimiksho shinithang matharmara.

MATTHEW 23:28

Hi tākam eina ayarli nathumna mibingli mashunglak kahai thada theingasaka, kha alungliva phākakhaning eina moreina pemtinghai.

LUKE 11:44

Nathum kakhanang ringkashi ngasāranu! Kaja nathum hiya mibingna matheimada naiung-naivā kaje makatheia chikhur kathāna.”

OTSAK 23:3

Paulna ali hānga, “Varena nali makahatlākla kaphera, teimachar kahaia phākho! Ainwui athishurda ili bichar sākhavai pamlaga ain sākhailaga ili kaphe khavai kasolama!”

GALATIANAO 6:12

Nathumli ahui rimshokphalungra da tandi kasābing chiya akorli maikhayā chitheikhangaibingna. Athumna kasā hiya Khristawui krushwui vang eina athumli marekharek khavaina.