MATTHEW 23:26 - Kathara Bible (BSI)

²⁶ Mik khangapeo Phariseebing! Rida tengkot eina khongpheiwui alung chi pheomathāhaifalu. Chithākha ayarla tharpaira.

MATTHEW 23:26 Iomraidhean Croise

ISAIAH 55:7

makhayā mina awui shongfa horhaida, kala makhamashunga mina awui kaphaning horhailaga; ana lumashanmipai khavai ithumwui Proho Vareli latungranu, kaja ana mavātlakla pheomira.

JEREMIAH 13:27

Nathumwui ningkakachai otsak ina theiserhaira, phokaphāla, khayor otsak, luili ngahongli khamathang kasāsā saikora! O Jerusalem, nali kakhanang ngasāranu! Na karankhawui thili tharnaonikhala?

JEREMIAH 4:14

O Jerusalem, nali huimi khavai makhayāwui eina wuklung pheomathālu. Karankha makaphā ning nawui wuklungli leifarakhala?

EZEKIEL 18:31

Ili makhamayā kasā nathumna khayonkhamāng sākahahai saikora chi chihoserhaolu; kala nathum ning kala manglā kadhar sangkhuilu. Khiwui vang nathum thikida, O Israelwui shimkhur!

MATTHEW 12:33

“Arong mathā ngasaklaga athei mathā ngasaklu; lah arong zakshi ngasaklaga athei zakshi ngasaklu; kaja thingrong chi awui athei eina theikhui.

MATTHEW 14:8

Ava̱va̱wui tui khuilaga, “Ra̱hikme Johnwui kui khongphei akhali sanglaga milu” da ana poi.

MARK 7:4

athumna leihngapha̱wui eina hankhaung tharan mara̱vairanglakha maphazāmana. Chili lāngmeida tengkot, khongphei kala mariham kathā kapheowui khangachāyan athumna khamayon tarākha lei.)

LUKE 11:39

Chieina Prohona ali hānga, “Arui nathum Phariseebingna tengkot eina khongpheiwui ayar pheokhaninga, kha nawui alungliva kākharām kala makaphā-makhayāna pemtinghai.

LUKE 6:45

Kaphā mina wuklungli kaphā phari kahai chiwui eina kaphā sāshoka, kala makaphā mina wuklungli makaphā phari kahai chiwui eina makaphā sāshoka. Kaja wuklungli pemting eina khalei chi khamorna matuishoka.

2 CORINTHNAO 7:1

Leikashebing ot saikora hi ithumli ngashitmihaira. Chiwui vang eina phasālila, manglālila mamakhao ngasakla Vareli khangachee eina ngasoda tharlak eina okthuisa.

HEBREWNAO 10:22

Chieina ningkathar kala makhangapat shitkasang eina kala khayona chukkhamaja̱wui eina tharmi kahai wuklung eina ngasoda tara̱ kathar eina phasāla ra̱vaihaida ithum Vareli nganaimeisa.

JAMES 4:8

Vareli nganailu, chithākha ana nathumli rānganaimira. Morei kaphungabing, nathumwui pāng maziklu. Phākakhaningbing, nathumwui wuklung tharngasaklu.