MATTHEW 22:16 - Kathara Bible (BSI)

¹⁶ Chiwui thili athumwui sākhangatha̱bing eina Herodwui mibing kaikhali shivātlaga ahāng ngasaka, “Ojā, ithumna thei kaja na khamashungana, kala Varewui shongfa mashunglak eina tamchithei, kala kateina nali khinada khuilikhala kajiwui vang kakhanang maleilakmana, maramva miwui kharei kateoli nana khikha mayangmana.

MATTHEW 22:16 Iomraidhean Croise

1 WUNGNAOBING 22:14

Kha Micaiahna, “Prohowui ming singda kahāngna, ana hānglu kaji tui chi ina hāngra.” da ngahānkai.

LAA 12:2

Mi kachiva̱ awui khongnaili kapika; khamorli sotmasaolaga ning khani sāda matui.

LAA 5:9

Kaja athumwui khamorli khamashung maleimana; athumwui wuklung chiya shimān khangasakana, athumwui kharok phutkahai chikhurna, athumna male eina sotmasaowa.

LAA 55:21

Awui tui seina̱khanli lāngda nganaimei, kha wuklungli raiwui ning mānga; awui tui thaoli lāngda mayomei, kha athum chiya raighai kasing kathāna.

CHĀNSAM 29:5

Khongnainaoli sotkhamasaoa che apheili khalen kasangna.

MALACHI 2:6

Khamashung tui hāngkachithei chi awui khamorli lei, kala awui morchaili khangui khikha masamphangmana. Chingri kahai eina mashunli ana ili ngasozata, kala khayonkhamāngwui eina kachungkhali latung ngasaka.

MALACHI 2:9

Iwui tui makhamayon chiyākha kala mijang sāda tamkachithei chiwui athishurda inala nathumli miwui mangāli yangkharingda maishi ngasakra.”

MATTHEW 22:24

“Ojā, Mosesna hānga, ‘Mi akhana naongarā maleila thihaiakha agatona rameiva̱ chili ngakumlaga ashameiwui vang nao nganaomiphalungki kajina.’

MATTHEW 22:26

Chithada sāda kakhanela, kakathumala kala kashine tāshungda nao mapharāla thiserhaowa.

MATTHEW 26:18

Ana hānga, “Keinungli vāda kachikathā mi akhali ahānglu, ‘Ojā china hānga, iwui atam nganailakhaira; nawui shimli iwui sākhangatha̱bingli ngasoda Makānkhami Phanit chi mayonra.’”

MATTHEW 26:49

Judas hengsāda Jishuwuili vai kala, “Ojā, nali chingrihairanu” da hānglaga amaya̱ya.

MARK 10:17

Jishuna kharam vākhavai zatphokluishit kaji tharan mi akha ngasamrāda khuktizanglaga ali rangahāna, “Kaphā Ojā, makashimān kharing samphang khavai ina khi sārakhala?”

MARK 12:13

Athumna Jishuwui tuimatui eina khayon tukkhui khavai Pharisee eina Herodwui mi kaikha chihovai.

MARK 12:14

Athumna ali rangahāna, “Ojā, na khamashunga kala mimai makhayanga mina da thei, kaja nava miwui shingamli mayangmana, kha mikumowui vang Varewui kaphaningwui mashun chi tamchithei. Caesarli khāshina khami hi ainka, maningmakhala?”

MARK 3:6

Chieina Phariseebingna synagoguewui eina shoklaga hengsāda Herodwui mijangbingli asamphanga kala kathada ali shaothatsikhala da ngasan ngaroka.

MARK 8:15

Jishuna athumli “Ning ngasharda khuiphunglu, Pharisee eina Herodwui khawok chili ngasharlu kala mangarumhaialu.” da hānga.

LUKE 20:21

Chieina athumna ali ngahānna, “Ojā, na khamashung-khangarong tui matuida tamchithei kaji ithumna thei, kala khipālikha mijang masāla Varewui apongli mashungrik eina tamchithei.

LUKE 7:40

Chieina Jishuna ngahānkāda hānga, “Simon ina nali hāngkhangai akha lei.” Ana “Khikhala Ojā, hāngmilu” da ngahānkai.

JOHN 14:6

Jishuna ngahānkai, “I shongfana, khamashungana, kala kharingana; iwui eina maningla Avāva̱wuili khipākha marāpaimana.

JOHN 18:37

Pilatena ali hānga, “Thakha na awunga akharali!” Jishuna ngahānkai, “I awungana kaji hi nana hāngda lei. Ili hiwui vang kapharāna, kala hiwui vang khamashung chili shākhi mikhavai I apuk-apagva̱li kharāna. Khamashunga mi kachivana iwui tui khuisanga.”

JOHN 7:18

Khalatawui sāshap eina khamatuia china khalattawui maikhayā phai, kha ali kashirātawui maikhayā kaphā a chi khamashungana kala awuili sākakhaning maleimana,

2 CORINTHNAO 2:17

Ithum Varewui chānpaoli paisor eina kaphaning athum kathā maningmana. Kha Varena kachihowui vang Khristawui rao sāda ithumna ningtharlak eina awui miktāli matuiya.

2 CORINTHNAO 4:2

Khayākhamalā ngathumngateida kasā ot saikora horhaida ithumna mareimarā ot masāmana. Varewui tuila mashongachei khavai mahotnāmana, kha mashun chi phonglāk eina kachithei eina Varewui miktāli kachithei thada mi kachiva̱wui mashun-makhuili theikhuipai khavai ithum khalatta kachitheina.

2 CORINTHNAO 5:16

Chiwui vang eina ithumna ara okathuiwui ningphanin eina mi khipālikha maphaningluimana. Atam akhali Khristali okathuiwui ningphanin eina phaningsai, kha ara chithada maphaningluimana.

GALATIANAO 1:10

Ina miwui mangāli khayākakā kaphā thāhaola? Maningphutmana. Ina ningkachangva Varewui mayākhamimaya! I maho khavai hotnada leila? Ina chi sachingda leiakha I Khristawui otram khangatha̱a masāsamara.

GALATIANAO 2:6

Themrekabing china chiyākha ngamda matuilala ina makhuisangmana; kaja Vare mimai mayangmana. Ina kahāngna kaja kathema athumna ili mathākhamei kadhara apong mahāngmirarmana.

KHALATLUI 33:9

avāva̱ kala ava̱va̱li ‘ina matheimimana’ da kahānga; awui chinaongarāli horhaowa, awui naobingli yangkheihaowa. Kaja athumna nawui kagaso nganai, kala nawui tuingashit mayona.

1 THESSALONICANAO 2:4

Kha Varena mayāmida ithumli horsangkhami paokaphā, ana hāngngasakkhangai chi khamatuina. Hi mikumoli maningla kha ithumwui wuklung katheia Vareli ningyāng ungngasak khavaina.

JAMES 3:17

Kha atungshongwui eina kharā thangkhamei chili rimeikapta kathar, chiwui thili chingrihaikapai, tākui kahai, mayā khangarok, lukhamashana kapem kala kaphā atheimānga, phākakhaning kala ningmakathar maleimana.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.