MATTHEW 22:10 - Kathara Bible (BSI)

¹⁰ Chieina raobing china shongfa kachida vālaga kaphāla kashila samkaphaphang saikorali kazipkhuilaga thānunga, kala ngalā shakazāli kharābing china shim chi puihaowa.

MATTHEW 22:10 Iomraidhean Croise

MATTHEW 13:38

Lui chi okathui hina kala athā makhamathā chi chipeewui naongarāna.

MATTHEW 22:9

Chiwui vang eina nathumna shongfa kachida vālaga samkaphaphang mi kachiva̱li shakazāwui zātkhānli rākhavai aholu.’

MATTHEW 25:10

Athumna thaora̱ lokhavai thuikahai tharan ma̱kakha̱ma chi rāhaowa kala ngarānping kahai ngalāva̱bing china ali ngasoda shakazāwui zātkhāngli azanguwa, kala khamong shunghaowa.

MATTHEW 9:15

Chieina Jishuna athumli hānga, “Shakazā mayarana athumli ngasopamda leilakha shakzātli kharā mibingli chikhumpairalā? Shakazā mayara chili athumwui eina khuikathui atam rārāsara: chithang athum khumnaora.

2 CORINTHNAO 12:21

Ina rākhalui tharan Varena nathumwui miktāli ili khayak ngasakhaipaishinada ina ngacheeya; kala rida morei kasābingna athumwui makathar, shuikhangarui kala phokaphā otsakbing chi ning mangateila leichingkasāwui vang eina ina sikafa samphanghaipai.

1 JOHN 2:19

Athum chi ithumwui ngarumsakli kachangkhat makazangwui vang thuikahaina; ithumli zangchaosi kaja athum mayāmlakmara. Kha ithumwuili mazangchaomana kaji ngahāhang eina theikhui khavai athum thuikahaina.

PHONGKHAMI 5:9

kala athumna laa kadhar akha sai: “Lairik akhalui chi khuida chiwui mahor namkahai sākhaingayilak kaje chi nalāka, khikhalajila nali sāthathaowa, laga nawui asheena shang kachiva̱wui eina, tuiyur kachiva̱wui eina, miyur kachiva̱wui eina, kala ngalei kachiva̱wui eina, Varewui vang mi lokhuihaira.

PHONGKHAMI 7:9

Chiwui thili ina khayang tharan, yanglu, mina mashānkharar mikazip akha ngalei kachiva̱wui eina, shang kachiva̱wui eina, miyur kala tuiyur kachiva̱wui eina kachara sāri shaksālaga pāngli khaneinā singriplaga wungpamkhong kala Yaonaowui mangāli nganingserlaga;