MATTHEW 21:9 - Kathara Bible (BSI)

⁹ Jishuwui mangāli kala khanukli kazata mibingna “Davidwui naomayarali Hosanna! Prohowui mingli kharā a chi ka̱lā mahai! Chuimeikap kajeli Hosanna!” da panglāk eina vaowa.

MATTHEW 21:9 Iomraidhean Croise

LAA 148:1

Proholi solu! Kazingramwui eina Proholi solu! kajuiwui eina ali solu!

MATTHEW 21:10

Kala ana Jerusalemli kazang tharan mi saikora ning ngatha̱haoda “Hi khipākhala?” da hānga.

MATTHEW 21:15

Kha pāngmon akhokabing eina ain kathembingna matakhak kahai otsakbing chi kathei eina kala “Davidwui Naomayarali Hosanna” da naoshinaobingna khorumshimli khavao chi kashā eina athum malungvāthaowa;

MATTHEW 23:39

Ina nathumli kahāngna, arui hiwui eina thuida nathumna, ‘Prohowui mingli kharā mi chi sokhamina’ da mahāngranglakha eina tangda ili matheiluimara.”

MATTHEW 9:27

Jishuna apam chiwui eina thuihaowa kala mik khangapeo mi khanina ali shurrāda panglāk eina “Davidwui Naomayara, inili khalumashanmilu” da vaouwa.

LUKE 13:35

Yanglu, nathumwui shim choda haimihaira kala ina nathumli kahāngna, nathumna ‘Prohowui mingli kharā mi chi sokhami ngasāranu’ da mahāngranglakha eina tangda nathumna ili matheiluimara.”

LUKE 2:14

“Juimeikap kaje Vareli tekmateiranu, kala okathuili ana ningyāngkhaunga mibingwui alungli chingrihairanu.”