MATTHEW 21:5 - Kathara Bible (BSI)

⁵ “Zionwui naongalāva̱li hānglu, Yanglu, nawui awunga nawuili rārāli! ngahuiri eina, gadhātungli, gadhā chiwui avānaoli tongda.”

MATTHEW 21:5 Iomraidhean Croise

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

2 SAMUEL 16:2

Kala awungana Zibali, “Khisāda khuikharākhala?” da hānga, Zibana ngahānkai, “Gadha hi awungawui shimkhur tongkhavaina, kala khamui kala atheibing hi raimibingwui vang zākhavaina, kala drakhāra̱ hi lamhāng hili ra̱changnā kahaibingna mangkhavaina.”

1 WUNGNAOBING 1:33

Kala awungana athumli hānga, “Nashameiwui raobing khuilu kala inaomayara Solomonli ina katong gadhā chi tongngasaklaga ali Gihonli thāntālu;

1 WUNGNAOBING 10:26

Solomonna siguigari kala sigui raimi kazipkhuida siguigari thingkha shāmati, sigui raimi thingtharāda khani khalei chi, siguigari keinungbingli, kala awungali ngasoda Jerusalemli haihai.

LAA 9:14

Chithāda ina nawui masot saikora shānkhuiluira, kala Zion naongalāva̱wui ngaveibingli, nawui kankhamilungli ina mathānra.

ISAIAH 12:6

Vaolu kala khamathānwui vang laa sālu, O Zionli kapambing, kaja nathumwui alungli Israelwui Kathara chi hakmahālaka.”

ISAIAH 40:9

Phungrei kajuiva̱li kālu, O Zion, ringkaphā pao phungme; nawui akhon juingasaklu, O Jerusalem, ringkaphā pao phungme, juingasaklu, mangacheealu; Judahwui keinungbingli hānglu, “Nathumwui Vareli yanglu!”

ISAIAH 62:11

Yanglu, okathui akatang vāshungda Prohona phongchithei haira: Zionwui naongalāva̱li hānglu, “Yanglu, nali huikhami rāhaira; yanglu, awui sāman ali ngasophungda lei; kala awui angathut awui mangāli lei.”

EZEKIEL 34:24

Kala Proho ina athumwui Vare sāra; kala iwui rao Davidna athumwui ngachaili wungnao sāra; Proho ina hāngkahaina.

EZEKIEL 37:24

Iwui rao Davidna athumwuitungli mungra; kala saikorawui yaokahoma akhamāng leira. Athumna iwui ain mayonra kala iwui shiyan-chikan ngarangra.

HOSEA 1:7

Kha ina Judahwui shimkhurli lumashanra kala athumwui Vare Prohowui mangā eina ina athumli kanshokmira; ina athumli malā eina nilala, raighai eina nilala, rai kasā eina nilala, sigui eina nilala, sigui katongbing einala kanshokki kaji maningmana.”

MICAH 5:2

Kha na, O Bethlehem Ephrathah, Judahwui shang ngasākida kateowa, nawui eina iwui vang Israelli khamunga saki kaje akha shokra, awui haophok khavai chiya kharewuina, achālakhawui einana.

MISHĀN 24:19

Jacobna munghaora, kala keinungli kataibing sāshimānhaora!”

MATTHEW 11:29

Iwui kashai hieina phunglu kala iwui eina tamkhuilu; kaja iya malungkhanima, wuklung tākui kahaiana, kala nathumna ngasāmkakhui samphangra.

MATTHEW 2:2

“Pharā kahaia Jihudibingwui awunga chi kali leikhala? Kaja ithumna awui sirā zingshoshong theihaida ali khorum khavai kharāna.”

MATTHEW 2:6

‘Judah ngaleili khaleiya O, Bethlehem, nava Judahwui keinungbingwui ngachaili teomeikap kaje khamunga maningmana; kaja khamunga akhavā akha nawui eina shokta iwui miyur Israelli mungra.’”

MATTHEW 21:6

Sākhangatha̱ khani china Jishuna sālu da hāngkahai chi sai;

LUKE 24:27

Moseswui eina thuilaga marān saikorana awui maramli kapihaikasā katonga chi Jishuna anili khalatmisera.

JOHN 1:49

Nathana-elna Jishuli ngahānkai, “Ojā, na Varewui Naomayarana! Na Israelwui awungana!”

2 CORINTHNAO 10:1

Ngasopamlakha nimsorhai, tāda pamakha sāshilak kaje Paul, ina Khristawui khanim kala khangahui eina nathumli kapona.

KHALATLUI 17:16

Awunga china awui vangmāng sigui kachungkha makeipaimara kala sigui keikhavai Egyptli mi machihopaimara kaja Prohona, ‘Nathum chishong mavāluilakalu’ da nathumli hānghaira.

WUNGVA̱-WUNGVĀ 12:14

Anaomayara hangmati, kala ara̱ngarā thumra, da athum hangshinina gadhā tongsai. Ana Israelli kum chishat munga.

WUNGVA̱-WUNGVĀ 5:10

Hungrisi gadhā katongbingli, khamathā chonham tungli kapambingli, phei eina kazatbingla, hāngmilu.