MATTHEW 21:43 - Kathara Bible (BSI)

⁴³ Chiwui vang eina ina nathumli kahāngna, Varewui wungram chi nathumwui eina khuithuihailaga athei mathei khangasaka yur akhali mihaora.”

MATTHEW 21:43 Iomraidhean Croise

SHONGZĀ 19:6

kala iwui vang nathum pāngmonwui wungram kala kathara yur sāra. Israelnaobingli nana hāngki kaji tui chi hina.”

ISAIAH 26:2

Ngavei chi sholu, shitkasang khamayona khangaronga yur zangranu.

ISAIAH 28:2

Yanglu, Prohowui kapang-kapinga akha lei, theihkatā thongyāng thāda, shimān khangasaka unshimui thāda, hakkhamahā tara̱ kaphong thāda, ana okathuili zakshilāk eina hortāhaora.

MATTHEW 12:28

Kha Varewui Manglā eina ina kameobingli kashamkashokna jiakha Varewui wungram chi nathumwuitungli rāhaira.

MATTHEW 21:41

Athumna ngahānkai, “Ana makaphābing chili sāthatserhaora kala yāmgui chi athei khamathei atamli tāzak eina awui sharuk miki kajebingli masāvā ngasakra.”

MATTHEW 21:42

Jishuna athumli hānga, “Kathara Lairikli kapi kahai nathum mapāranglā: ‘Shim kasābingna horkahai ngalunggui chi achithekwui khamakhoka ngasāhaira; Hi Prohowui otsakna. Ithumwui mikyanli hi matakhakhai?’

MATTHEW 21:44

“Ngalunggui hiwuitungli tākatunga a chi kaikazamra, kha ngalunggui china tākkaza̱ a chi akha̱-akhā ngasāhaora.”

JOHN 3:3

Jishuna ngahānkai, “Kachangkhat eina ina nali kahāngna, mapharāluishitakha khipānakha Vare wungram matheirarmara.”

JOHN 3:5

Jishuna ngahānkai, “Kachangkhat eina ina nali kahāngna, kachikathāna tara̱ eina kala Manglā eina kapharā maningakha Vare wungramli mazangrarmara.

1 CORINTHNAO 13:2

Ina phongkhamiwui pangshap leilala, matheikharar khangathuma matakhak kahai kala awor saikora theishingkhuishaplala, kala shitkasang tongtinghaida kaphung khāngthuishaplala, leikashi maleiakha I khikha maningmana.

1 PETER 2:9

Kha nathum kapangkhui kahai miyur, wungnao sharva̱, kathara yur, Varewui mibingna. Tangkhamangwui eina kahorli thānshokta awui matakkhak kahai kahor chi hāshok khavai nathumli hokakhuina.