MATTHEW 21:42 - Kathara Bible (BSI)

⁴² Jishuna athumli hānga, “Kathara Lairikli kapi kahai nathum mapāranglā: ‘Shim kasābingna horkahai ngalunggui chi achithekwui khamakhoka ngasāhaira; Hi Prohowui otsakna. Ithumwui mikyanli hi matakhakhai?’

MATTHEW 21:42 Iomraidhean Croise

ISAIAH 28:16

Chiwui vang eina Proho VAREna hithāda hānga: “Yanglu, Zionwui shimphungali akhoka sākhavai mayarkazak kahai, khamakanga kala makhangatha̱a lunggui shunhaira. ‘Shitkasang khangatarbing ningnganungkhunghai.’

HABAKKUK 1:5

Yurbingwui ngachaili yanglu, kala theikhuilu; matakhakhaida kashuilu, kaja hānglala nathumna mashitsangki kaje ot ina nathumwui atamli sāda lei.

MATTHEW 21:43

Chiwui vang eina ina nathumli kahāngna, Varewui wungram chi nathumwui eina khuithuihailaga athei mathei khangasaka yur akhali mihaora.”

OTSAK 4:11

Hi nathum shim kasābingna horkahai kha achithekwui akhoka sāthui kahai lunggui china.

ROMNAO 9:33

Kaja hithada kapihaida lei: “Yanglu, ina Zionli lunggui haihaida lei, chili mibingna phei ngaphokra, lunghār china athumli konglui ngasakra. Kha ali shitkasanga mi chili makhayak ngasakmara.”

EPHESIANAO 2:20

Nathumla paokazatbing eina marānbingna sākakā shimphung chiwuitungli sākā kahaina kala Khristana chiwui akhokana.