MATTHEW 21:35 - Kathara Bible (BSI)

³⁵ Kha khamasābing china awui raobing chili tukkhuilaga akhali shao, khangatei akhali sāthathao kala khangatei akhapāli ngalunggui eina horthathaowa.

MATTHEW 21:35 Iomraidhean Croise

1 WUNGNAOBING 18:13

Jezebelna Prohowui marānbingli shaokathat tharan, marān shākhali ina thumhaida hangphangāngā eina lungkhurli thumhailaga khamui mizai, kala tara̱ mimanga kaji ameili khipānakha mahāngmala?

1 WUNGNAOBING 18:4

Jezebelna Prohowui marānbingli shaokathat tharan Obadiahna marān shākhali, hangphangāngā eina lungkhurli thumhaida kashakazā mizā mimanga).

1 WUNGNAOBING 19:10

Ana hānga, “Proho Ashangva̱wui Varewui vang ina sangaireoreo sai, kha Israelwui mibingna nawui tuingashit kaihaida hanphut sakathānhaowa, kala nawui marānbingla raighai eina shaothatserhaowa, ara imāng taikahaina; kala ilila athumna imanglā khuithui khavai ngarānda lei.”

1 WUNGNAOBING 19:2

Chieina Jezebelna Elijahli pao chihovāda hānga, “Athum akhali nana shaokathat thāda inala nali akhama hitharan masamisi kaja varebingna theira.”

1 WUNGNAOBING 22:24

Chieina Chenaanahwui naomayara Zedekiahna rānganailaga Micaiahwui maisorli akapheya, kala, “Prohowui Manglā kathāda iwui eina shoklaga nali ramatuipairakhala?” da hānga.

2 THOTRINCHĀN 16:10

Asana malungvātnahaida marān chili zurthing sanglaga narhai. Chili lāngda mi khangateilila Asana kachotkachāng mi.

NEHEMIAH 9:26

“Chithālala athumna kahāng manganāmada nali ngakaishilaga nawui ain nothahaowa kala nali hanung khavai hāngkhamathin nawui marānbinglila shaothata, kala kachipat ot kachungkha sai.”

JEREMIAH 2:30

Nanao ngarāli aremali ina shaowa, athumna mashungkakhui malei; kazingkha̱ sākashi thāda, nathum khalattawui raighaina nathumwui marnbingli mayuisanga.

JEREMIAH 26:8

Kala mibingli hānglu da Prohona Jeremiahli kakaso saikora hāngkahai tharan pāngmonbing, marānbing kala mi saikorana ali tukkhuida hānga, “Na thira!

JEREMIAH 37:15

Wungnaobingna Jeremiahli malungvātlākhaida kashaola shaowa, kala kapime Jonathanwui shimli narhaowa, kaja awui shim chi phātopshim sāsai.

MATTHEW 21:34

Drakhāthei kaphā atam kharā tharān, raobingli yāmgui khamasābingwui eina awui sharuk athei akhui khavai chihovai.

MATTHEW 21:36

Ana kharewuili chungmeida khangatei raobing chihovāluishita; kala athumna raobing chilila khareli kasā tākam eina sāluishita.

MATTHEW 5:12

Mathānlu kala ringphālu, khikhalajila kazingramli nathumwui sāman haklaka, kaja hikathāwui vang eina nathumli rida leikasā marānbinglila rekhareksai.

OTSAK 7:52

Navā wongarāna marekakharek marān khaleisāla? Khamashunga rao rāki kajiwui tui hāngkhame Varewui paophungabinglila athumna sāthata. Khamashunga rao chili nathumna yansaida shaothathaira.

PHONGKHAMI 6:9

Kala kaphangā mahor chi sākakhai eina, Varewui tuiwui vang kala Vare tuili shākhi kasāwui vang shaothat kahaibingwui manglā hanphutwui azingli leisāser kaji ina thei.