MATTHEW 21:31 - Kathara Bible (BSI)

³¹ Khani hiwui ngachaili kachipāna avāva̱wui ningkachāng sākhala?” “Khararrapana sai” da athumna ngahānkai. Chieina Jishuna athumli hānga, “Ina nathumli kachangkhat kahāngna, khāshinā khalokabing eina khayorva̱ sha̱naobing china nathumli rida Varewui Wungramli zangra.

MATTHEW 21:31 Iomraidhean Croise

JOBWUI LAIRIK 15:6

Nakhalattawui khamorna nali yonngasaka, ina maningmana; nakhalattawui morchaina nali makhamayā hāngkashokna.

EZEKIEL 33:11

Athumli hānglu: Vare Proho ina kachangkhat eina kahāngna, kaja, makhayā mi kathiwui vang iwui ringkaphā maleimana; kha makhayā mi china makhayā otsakwui eina latungda ringsi kaja chāng; latunglu, nawui makaphāwui eina latunglu; kaja khisathuda na thirakhala, O Israelnaobing?”

MATTHEW 12:50

Kaja kazingramli khalei iwui Avāwui kaphaning kasaa chi igatona, izarva̱na kala ishava̱na.”

MATTHEW 18:3

hānga, “Kachangkhat eina ina nathumli kahāngna, nathumna ningngateida naoshinao thada mathaakha kazing wungramli mazangrarlakmara.

MATTHEW 20:16

Chieina khanaowa china rira kala khare china naora.”

MATTHEW 21:30

Chiwui thili anaomayara kakhaneli ngaraikachā chi ahāngluishita; ana ‘I vāra, avā’ da ngahānkai, kha mavāthuwa.

MATTHEW 5:18

Ina nathumli kachangkhat eina kahāng hina, kazingram eina okathui mashimānranglakha eina tangda kala sāki kaji ot saikora masākupranglakha eina tangda ainwui mayekkainao akhala mashimānlakmara.

MATTHEW 5:46

Nathumwui leikashemāngli nathumna leishiakha khi sāman samphangrakhala? Khājanā khalokabingnala chithada masāmalā?

MATTHEW 6:5

“Nathumna seihā kasā tharan phākakhaningbingna kasā thada masāphalungmara kaja athumva mina theivairanu da synagogueli kala chānreipheili nganinglaga seihā sākazat ningchanga. Ina nathumli kachangkhat kahāngna, athumna samphangkhangayi chi samphanghaira.

MATTHEW 7:21

“Ili, ‘Proho, Proho’ da khangakaoa mi kachiva̱ kazing wungramli zangki kaji maningmana, kha kazingramli khaleia iwui Avāwui kaphaning kasaa china zangra.

MATTHEW 9:9

Jishuna apam chiwui eina zathaowa kala shongfali zatmamānda leilakha khāshinā khaloka, Matthew kahopā chi khāshinā khuikhavaipamli pamkasā chi thei. Jishuna ali, “Ithi shurlu” da hānga. Chieina Matthewna ngakarthuida athi shurthuwa.

LUKE 15:10

Chithada sāda ina nathumli kahāngna, morei kaphunga akhana ning khangatei chitharan Varewui kazingraobingna ringphā mathāna.”

LUKE 19:22

Ana ali hānga, ‘He makaphā rao! Ina nali nawui chanhān tākam eina bichar sāra. Nana I sākashena, iwui makhaning chi kakhuia kala makhayao chi hātkakhuiana da thei jihaira!

LUKE 7:29

Tui hi kashā eina Johnwui ra̱kahik samphang kahai mi saikorana kala khāshinā khalokbingna Varewui tui chi mashunglaka jihaowa.

JOHN 3:3

Jishuna ngahānkai, “Kachangkhat eina ina nali kahāngna, mapharāluishitakha khipānakha Vare wungram matheirarmara.”

JOHN 3:5

Jishuna ngahānkai, “Kachangkhat eina ina nali kahāngna, kachikathāna tara̱ eina kala Manglā eina kapharā maningakha Vare wungramli mazangrarmara.

OTSAK 17:30

Achālakha matheithangkhameiwui vang Varena yangkateomisai, kha apam kachiva̱li khalei mikumo saikorali ningngatei khavai ana kasoi.

ROMNAO 3:19

Ara ithumna thei kaja ainli hāngkahai kachiva̱ chi ainwui azingli khaleibingwui vangna, chiya mikumona hāngkakatei maleila okathui katonga Varewui bichar kasāli zangkhavaina.

ROMNAO 5:20

Ain khuikharā chi khayon-khamang chungsang khavaina; kha morei chungkasang eina Varewui lukhamashan chi lāngmeikharda chungsanga.

2 PETER 3:9

Prohona ngashit kahai chi aruila maungshung ngasakmana da kaikhana phaninga, kha mi khipālikha mashimān ngasakkhangaiwui vang ana nathumli ngaraikhamina, kaja mi saikorali athumwui moreiwui eina ningngateikhui ngasakngai.