MATTHEW 21:3 - Kathara Bible (BSI)

³ Kachikathāna nanili ngahanakha, ‘Prohona ot sāvaiki kaji leili’ da hānglu. Chieina ana nanili gadhā va̱rāni chi ngalāngda chihomira.”

MATTHEW 21:3 Iomraidhean Croise

1 WUNGNAOBING 17:9

“Ngakarthuida Sidonli khalei Zerephathli apamlu. Yanglu, nali mizā khavai ina ra̱meinao akhali kasohaira.”

EZRA 1:1

Persiawui awunga Cyrusna pānkhare kum, Jeremiahwui khamor eina hāngkhangasak Prohowui tui chi ungshung khavai, Prohona Persiawui awunga, Cyruswui ning ngatha̱ ngasaka; chieina awui wungram saikora vāshungchaoda ana pao akha chishāta, kala chi kakapila kapi:

EZRA 1:5

Chiwui thili Judah eina Benjaminwui shangwui akhavābing, pāngmonbing eina Levinaobing kala Varena ningli kasatmida saza̱khami kachiva̱na Jerusalemli khalei Varewui shim chi sākālui khavai zata.

EZRA 7:27

Jerusalemli khalei Proho Varewui shim tekmatei khavai, awungawui ningli hikathā ning sangkhame ithumwui avāva̱ ngarāwui Vare Proho chili sochikatranu,

LAA 24:1

Okathui kala chiwui alungli pemting kahai, apuk-apaga kala chiwui alungli khaleibing Prohowuisera.

MATTHEW 21:2

hānga, “Naniwui mangāshong khalei kha̱ chili vālu, kala hengsāda chili gadhā akha anao eina ngasoda hokkahai nanina theira. Chi khalākhuilaga iwuili khuiunglu.

MATTHEW 21:4

Marānna hithada hānghaikasā chi ungshungvairanu da hi shok khangasakna:

JOHN 17:2

khikhalajila nana mikahai mikumo saikorali katang makhavai kharing mikhavai nana ali pangshap mihaira.

JOHN 3:35

Avāva̱na Anaomayarali leishiya kala ot saikora awui pāngli horsangmi kahaina.

OTSAK 17:25

lah awuili khavāt leikahai tākam eina mikumowui pāngna ali otram mangatha̱mana, kaja mi kachiva̱li kharing khaksui kala ot saikora khamena.

2 CORINTHNAO 8:16

Ithumna nathumwmui vang samingairareo kahai tākam eina Tituswui ningli kasatkhami khaleiwui vang Vareli ningshi.

2 CORINTHNAO 8:9

Proho Jishu Khristawui lukhamashan nathumna thei; kaja ana shānglaklala nathumwui vang eina chāmhaowa; awui kachām chi eina nathum shāngkhavaina.

JAMES 1:17

Kaphā lemmet kala thada khami saikora hi atungshongwui eina katāsera. Hi aka̱lā thada ngacheiung ngachei khavā makhalei kazingramwui kahor Avāva̱wui eina kharāna.

1 SAMUEL 10:26

Saulla aram Gibe-ahli unghaowa, kala Varena ningli sāzamida rai kapingbingla ali ngasounga.