MATTHEW 21:27 - Kathara Bible (BSI)

²⁷ Chieina athumna Jishuli “Ithum matheimana” da ngahānkai. Chieina ana athumli hānga, “Inala khiwui pangshap eina otbing hi kasākhala kaji nathumli mahāngmara.”

MATTHEW 21:27 Iomraidhean Croise

ISAIAH 28:9

“Khipāna ali tamchitheira? Kala khipāli pao chi hāngchitheira, na̱ khamangnaolika, na̱ khareinaolirakhala?

ISAIAH 6:10

Mibing hiwui wuklung thaongasaklu, kala athumwui khanā ritngasaklu, mik khamimihaolu; athumwui mik eina theihaipaishina, kala athumwui khanā eina shāhaipaishina, kala athum wuklung eina theikhuida ning ngateida kharai samphanghaipaishina.”

MATTHEW 15:14

“Athum chithasaranu; athuma mik khangapeo kathānana; khangapeo akhali khangapeo akhana thānakha khanini khorchopli tāzangra.”

MATTHEW 16:3

Kala ngathorshong kazing kahungla hung, tangkhamangla tangmangakha ‘Aja siphan zingrot ngasha̱ra’ da nathumna hānga. Nathumna kazingwui maong yanglaga marānshapa, kha nathum atamwui machutbing chi makhalatrarmana.

MATTHEW 21:26

Kha ‘Mikumowui einana’ da hāngakha ithum yaruili ngacheehao; kaja mi saikorana John hi kachangkhat marānna da khuiya.”

MATTHEW 21:28

“Nathumna khi phaninglikhala? Mi akhawui naomayara khani leisai. Ana khararra chili vāda hānga, ‘Inao aja drakhā yāmguili ot asālu.’

JOHN 9:30

Ana hānga, “Hi matakhak kahai otna! A kachiwui eina rākhala kaji nathum matheimana, kha ana imik rakngasakhaira.

ROMNAO 1:28

Athumna Vareli theikhangai ning makhaleiwui vang Varena athumli makhamathā kala makhangayi achamli zatngasakhaowa.

2 CORINTHNAO 4:3

Kaja ithumna hākashok paokaphā chi rānkham kahai leiakha, chi shimānhaokida khaleibingwui vangmāngmaya,