MATTHEW 21:21 - Kathara Bible (BSI)

²¹ Chieina Jishuna athumli ngahānkai, “Ina nathumli kachangkhat kahāng hina, nathumna shitkasang leida ningkhamaong maleilakakha, khaorārongli sākahai himang majimara, kha nathumna phungrei hili eina tangda ‘khuilaga shamadruli ahorsanghaolu’ da hānglala chithada shokra.

MATTHEW 21:21 Iomraidhean Croise

MATTHEW 14:29

“Rālu” da Jishuna ngahānkai. Chieina Peterna marikhongwui eina shoklaga Jishuwuili vākhavai tara̱tungli zatvai;

MATTHEW 17:20

Jishuna ngahānkai, “Marama nathumwui shitkasang vātkahaiwui vangna. Ina nathumli kahāngna, nathumna shitkasang kayānghanthā rikha leiakha, phungrei hili nathumna ‘Hiwui eina araa chili vālu’ jilala vāra. Nathumna khikha masākharar maleimara.”

MATTHEW 21:20

Sākhangatha̱bing china chi theida matakhakhaida hānga, “Kathada khaorārong hi hiyākha thākta ngahuihaokhala?”

MATTHEW 8:12

kha wungramwui naomayarabingli khamayara tangkhamang horshokhaora, apam chili athum kachapla chapra kala ahāla tarira.”

1 CORINTHNAO 13:2

Ina phongkhamiwui pangshap leilala, matheikharar khangathuma matakhak kahai kala awor saikora theishingkhuishaplala, kala shitkasang tongtinghaida kaphung khāngthuishaplala, leikashi maleiakha I khikha maningmana.

JAMES 1:6

Seihā kasā tharan shitsangda ningkhamaong maleila pophalungra; khikhalajila ningkhamaonga ā chiya masina phanung-phanvāda khangaphao shamadruwui rawon kathāna.