MATTHEW 21:13 - Kathara Bible (BSI)

¹³ Ana athumli hānga, “Hithada kapihaida lei, ‘Iwui shim hi seihā sākhavai shim hora’; kha nathumna khangaponabingwui akhur sāngasakhaira.”

MATTHEW 21:13 Iomraidhean Croise

LAA 93:5

Nawui hāngkahai mangapatmana, tharkhamathengna nawui shim pema, O Proho, katang mavaila.

ISAIAH 56:7

athumli iwui kathara phungreili khuivāda iwui seihā sākhavai shimli mathān ngasakra; iwui hanphuttungli athumwui rikkatā kachigat kala pha̱kaphayā chi khuisangmira; kaja iwui shim hi yur saikorawui vang seihā sākhavai shim hora.”

JEREMIAH 7:11

Iwui ming eina kahoa shim hi nathumwui mikyanli khalebingwui shim sathuihaola? Yanglu, hi I khalattana theikahaina da Prohona hānga.

MATTHEW 2:5

Chieina athumna ali, “Judeawui Bethlehemli pharāra” da hāngmi. “Kaja marānna hithada kapihai:

MARK 11:17

Chiwui thili mibingli ana tamchithei: “Hithada makapihaimala, ‘Iwui shim hi yur saikorawui seihā sākhavai shim hora’ kha nathumna khalebingwui shim sāngasakhaira.”

LUKE 19:45

Chiwui thili ana khorumshimli azanga kala ot khayorabingli kashamkhayangda hānga,

LUKE 19:46

“Hithada kapihaida lei: ‘Iwui shim hi seihā sākhavai shim hora’ kha nathumna hi pha̱ma̱kashaobingwui shim sāngasakhaira.”

JOHN 15:25

Chithālala hi shokphalungra, kaja ainli kapi kahai ‘Khi ngalangkha maleila athumna ili ningkachaihaira’ kaji hi ungshung khavaina.