MATTHEW 21:1 - Kathara Bible (BSI)

¹ Kala athumna Jerusalem vānganaiuda Olive kaphungli khalei Bethphageli vāshunga, chiwui eina Jishuna awui sākhangatha̱ khanili shivātta

MATTHEW 21:1 Iomraidhean Croise

ZECHARIAH 14:4

Chithanghon awui phei Jerusalemwui mangāli zingshoshong khalei Olive Kaphungli nganingra; kala Olive Kaphung chi khani sāda zingsho eina zingtun ngachaili tampāk kahakva akhana ngakaipakhaora; chieina Phungrei chiwui tangkhai atungshong ngakhunshanghaora, kala tangkhai azingshong ngakhuntāhaora.

MATTHEW 20:34

Chieina Jishuna lukhamashan eina aniwui mikli sāza̱ya kala ngalāngda mik kathei samphangda anina athi shurthuihaowa.

MATTHEW 21:2

hānga, “Naniwui mangāshong khalei kha̱ chili vālu, kala hengsāda chili gadhā akha anao eina ngasoda hokkahai nanina theira. Chi khalākhuilaga iwuili khuiunglu.

MATTHEW 24:3

Jishuna Olive kaphungli pamlakha, sākhangatha̱bingna ngathumda ali rāngahāna, “Hi katharān shokrakhala, ithumli hāngmilu kala nana rāki kaji eina okathui ngachangki kajiwui machut khirakhala?”

MATTHEW 26:30

Kala athumna masotlaa akha sāchanghailaga Olive phungreili vāhaowa.

MARK 13:3

Khorumshimli kāroda khalei Olive kaphungli Jishuna pamda leilakha Peter, James, John kala Andrew athumna ngathumsāda ngahānna,

MARK 14:26

Athumna laa akha sāchang kahaiwui thili Olive phungreishong vāhaowa.

LUKE 21:37

Thangkachida Jishuna ngashun khorumshimli tamchithei, kha ngayā kachida ana Olive phungreili vathuihaowa.

LUKE 22:39

Jishuna keinungwui eina shokta ana khangachā eina khavāpam Olive kaphungli vai, kala awui sākhangatha̱bingna athi shurvai.

JOHN 8:1

Kha Jishuva Olive phungreili kāhaowa.

OTSAK 1:12

Chiwui thili athumna Jerusalemwui ngalemli khalei, kilometer akha sha̱kha katā, Olive phungreiwui eina Jerusalemli latunga.