MATTHEW 20:30 - Kathara Bible (BSI)

³⁰ Kala yanglu, mik khangapeo mi khani shongfapheili pamsāda Jishu rārāli kaji kashā eina, “Davidwui naomayara, inili khalumashanmilu” da vaowa.

MATTHEW 20:30 Iomraidhean Croise

LAA 146:8

Prohona khangapheowui mik rakngasaka; Prohona khangazanabingli khāngmathotmi; khangarongali Prohona leishi.

ISAIAH 29:18

Chitharan lairikwui tuibing hi khanā khangakhokana shāra, athumwui khangami kala tangkhamangwui eina mik khangapeoana theira.

ISAIAH 42:16

Kala ina mik khangapeoali athumna makathei apong eina, athumna matheilak kaja shongfali thānzatra. Ina athumwui mangāli tangkhamang chi horngasakra, kokataropam ashāt sāngasakra, saikora hi ina sāserra, ina athumli mahorhailakmara.

ISAIAH 42:18

Khanā khangakhokbing nganālu; kala mik khangapeobing yanglu, chithāda nathumna theipai.

ISAIAH 59:10

Khangapeo thāda ithumna phākho phāzata, mik makakā thāda kachupzata; yupyapsapli kazat thāda ngashunung ngaphokzata; kapangpangwui alungli ithuma kathi thāhaowa.

MATTHEW 13:4

Kala ana khayao eina athā kaikhana shongfapheili tātunga, chi vānaobingna rāngamuizāhaowa.

MATTHEW 15:22

Kala yanglu, ngalei chili kapāna Canaanwui sha̱nao akha awuili rāda, “He Amei, Davidwui Naomayara, ili khalumashanmilu; inao ngalāva̱li kameo zanghaida marlak eina kazāda leili.”

MATTHEW 20:31

Chieina yarui china anili kasainakha pamlu da kharara; kha anina pangmeida “Davidwui naomayara, Proho inili khalumashanmilu,” da vaowa.

MATTHEW 21:14

Khorumshimlungli mik khangapeo kala phei katekabing Jishuwui ngalemli rāda, ana athumli raimisera.

MATTHEW 21:9

Jishuwui mangāli kala khanukli kazata mibingna “Davidwui naomayarali Hosanna! Prohowui mingli kharā a chi ka̱lā mahai! Chuimeikap kajeli Hosanna!” da panglāk eina vaowa.

MATTHEW 22:42

“Nathumna Khrista chi khipāna da phaningkhala? A khipāwui naomaryarakhala?” “A Davidwui naomayarana” da athumna ngahānkai.

MARK 10:46

Athum Jericholi rai, kala Jishuna awui sākhangatha̱bing eina mi kachungkha chili ngasoda zatuki kaji tharan mik khangapeoa, Bartimaeus kaho Timaeuswui naomayara chi shongfapheili zāt popamda leisai.

LUKE 4:18

“Prohowui Manglā chi iwuitungli lei. Khikhalajila kachāmabingli paokaphā hashok khavai, ana ili thao neomihaira. Narkahaibingli chihomi khavai, khangapeobing theiluishit khavai, chāngkhareng kahaibing ningkhān khavai.

LUKE 7:21

Atam chichang chili ana kazāt ayur kachungkha kala raih kazangbinglila raimi kala khangapeo kachungkhalila theingasaka.

OTSAK 2:30

A marān akhana kala awui wungpamkhongli awui naotun akha chipamra da Varena ngashitmi kahai chi ana thei.