MATTHEW 20:24 - Kathara Bible (BSI)

²⁴ Sākhangatha̱ tharā china chi kashā eina ani chinaonili malungvāthaowa.

MATTHEW 20:24 Iomraidhean Croise

CHĀNSAM 13:10

Mahengkasangana achei matheila khanganang shoka, kha hāngkachithei khuikasangbing chi thangkhameina.

MATTHEW 20:23

Ana athumli hānga, “Nathumna iwui tengkot chi mangra, kha iwui yāshong kala uishong pamkhavai mayāmiki kaji chi I maningmana, kha chiya iwui Avāna ngarān kahaiya athumwui vangna.”

MATTHEW 20:25

Kha Jishuna athumli hokhuida hānga, “Gentilebingwui khamungabingna athumwuitungli khayaiya kala athumwui khangam khareibingnala athumwuitungli pangshap lei kaji nathumna thei.

MARK 10:14

Jishuna chi kathei tharan malungvāthaowa kala athumli hānga, “Naoshinaobingli iwuili rāngasaklu; mahaphailu; kaja Varewui wungram chi chikathābingwuina.

MARK 10:41

Athum tharā china chi kashā tharan James eina Johnli malungvāthaowa.

LUKE 13:14

Kha Synagoguewui akhavā china sabbaththang Jishuna raikhamiwui vang malungvāthaoda mibingli hānga, “Ot sākhavai zimiksho tharukthang lei, chiwui alungli rālu kala rāraikhuilu kha sabbaththang marālu.”

1 CORINTHNAO 13:4

Leikashina ningzingharingthei kala lumashanthei; leikashina mikpaikashi kala khalatkaso mavaimana,

PHILIPPINAO 2:3

Khalatta masotmasaoalu, kha akhana akhali phāmeiya da phaning ngaroklu.

JAMES 3:14

Kha nathumwui wuklungli mikpaikashi, ningkakhā, ichāchāwui kaphaning leiakha lāngsoda khamashung chili makapikalu.

1 PETER 5:5

Chithada sāda khanuithotbing ararnaobingwui kahāng nganālu kala nathum akha eina akha otram ngatha̱mi ngarok khavai khangahuiwui sāri ngavailu, kaja hithada kapihaida lei; “Varena langkasobingli ngasunga kha khangahuiale lumashanmi.”