MATTHEW 20:22 - Kathara Bible (BSI)

²² Kha Jishuna ngahānkāda hānga, “Nathumna kapo chi khikhala da nathum matheimana, ina mangki kaji tengkot chi nathum mangshapla?” “Ithum shapa” da athumna ngahānkai.

MATTHEW 20:22 Iomraidhean Croise

LAA 75:3

Okathuila, chili khalaleila khanganuk tharan, pākra̱ mangatha̱ khangasak chi ina.

CHĀNSAM 16:18

Kashimān marāranglakha langkasona ri, kala makongluiranglakha khayāning khanganingna ri.

ISAIAH 51:17

Nakhalatta thuimathuklu, khalatta thuimathuklu, nganingkālu, O Jerusalem, Prohowui pāngli marip kahaia na, awui malungkhavātwui tengkot, akhan tāshungda mangsanghaira, yuichāchāng kahaiwui khorāmna.

ISAIAH 51:22

Proho, nathumwui Proho, nathumwui Vare, awui mibingwui vang phayetkhame china hithāda hānga: “Yanglu, nathum pāngwui eina yuichachang kahaiwui khorām; iwui malungkhavātwui khoklui ina khuithuimihaira; nathum mamangluimara;

JEREMIAH 49:12

Kaja Prohona hithāda hānga: “Mamangkharānbingna khorām chi mangphalungra jiakha, nathumna tandi masamphangla thuihaipairala? Nathum tandi masamphangla machihohaipaimana, kha nathum mangphalungra.

MATTHEW 26:35

Peterna ngahānkai, “Nali ngasoda shaothatrumra jilala ina chi mahatlakmara.” Kala sākhangatha̱ saikoranala chithada hāngsera.

MATTHEW 26:39

Ana khavāmeilaga ngaleili ngakhumshām zangda seihā sai, “iwui Avā, sāpaisi kaja kakhanangwui tengkot hi iwui eina khuithuimihaolu! Chithālala iwui kaphaning maningmana kha nawui kaphaning eina vailu.”

MATTHEW 26:42

Latluida, kakhanelila Jishuna seiha vāsālui’ “Avā, ina hi makhamang masāpaimara jilala, nawui kaphaning eina vaimilu.”

MATTHEW 26:56

Kha kashok saikora hi marānbingwui Kathara Lairik chi ungshung khavaiwui vangna.” Chiwui thili sākhangatha̱bingna ali chihohaida yāmserhaowa.

MARK 14:36

Kala ana hānga, “Abba, Avā, nawui vanga saikora sāpaisera, tengkot hi iwui eina kakhuithuimihaolu, thālala iwui kaphaning maningmana kha nawui kaphaningna.”

LUKE 12:50

Kha ina ra̱hikphalungki kaji akha lei kala chi makupkhuiranglakha ining chotlakli!

LUKE 22:42

“Avā, nana mayāmiakha, tengkot hi iwui eina kakhuithuimihaolu, chithālala iwui kaphaning maningmala kha nawui kaphaning eina vaimilu.”

JOHN 18:11

Jishuna Peterli hānga, “Nawui raighai chi ahonli sanghaolu. Avāna ili mikahai tengkot chi I mamangmarala?”

ROMNAO 8:26

Chithada sāda Manglā chinala ithumwui makharar chili rāngachona, kaja ithumna kathada seihā sarakhala kaji eina tangda matheimana, kha Manglāna kayākha chotta ithumwui vang pomikhala kaji khamor eina mahāngrarmana,

JAMES 4:3

Nathumna polala masamphangmana, kachiwui vangkhala kaja nathumwui ningrin mamashungla phasāna ningkachāng chimāng poi.