MATTHEW 20:20 - Kathara Bible (BSI)

²⁰ Chiwui thili Zebedeewui naomayara khanili ava̱va̱na thānlaga Jishuwui mangāli khuktizangda kachikatha akha sāmi khavai rāpoi.

MATTHEW 20:20 Iomraidhean Croise

MATTHEW 10:2

Paokazat tharāda khaniwui amingbing chi hina, kharena, Peterla kaho Simon, kala agato Andrew; Zebedeewui naomayara James eina agato John;

MATTHEW 14:33

Kala marikhongli tongkasa mibingna ali khorumda hānga, “Kachangkhat na Varewui Naomayaralaka.”

MATTHEW 15:25

Kha sha̱naopāva̱ china amangali khuktizangta, “Amei, ili khangachonmiphalunglu” da hānga.

MATTHEW 2:11

Athumna shimli kazang eina angangnao chi ava̱ Maryli ngasoda thei, chieina athumna khuktizangda akhoruma. Chiwui thili athumna athumwui otrom pheilaga ali sinā kala nganamkaphā thao frankincense eina myrrh chigata.

MATTHEW 27:56

Athumwui ngachaili Magdalawui Mary, James eina Josephwui ava̱ Mary kala Zebedee preiva̱la leisai.

MATTHEW 28:17

Athumna ali kathei tharan athumna ali khoruma; kha kaikhana ningmaonga.

MATTHEW 4:21

Chiwui eina zatmamānlaga khangatei chinaoni Zebedeewui naomayara James eina agato Johnla avāva̱ Zeebedeeli ngasoda athumwui marikhonglungli athumwui khaihlan khopkasā theida anilila hoi.

MATTHEW 8:2

Kala yanglu, phārrei kakazā mi akha rāda awui mangāli khuktizangda hānga, “Proho, nana tharmiga jiakha ili tharmishapa.”

MARK 15:40

Atam chili khalachāham eina ngashānkhayanga sha̱naobing leisai, chiwui ngachaili Mary Magdalene, James khanganoa eina Joseswui ava̱ Mary kala Solome athum zanga.