MATTHEW 20:2 - Kathara Bible (BSI)

² Ot kasābing chili thangthangwui ngalangman lupā ava̱va̱ mira da mayā ngarok kahaiwui thili awui drakhā yāmguili chihovai.

MATTHEW 20:2 Iomraidhean Croise

1 WUNGNAOBING 18:12

I unghai khaleoda Prohowui manglāna nali khuithuihaikha na khaleipam ina matheimara; chieina Ahabli ungkahāng chitharan na maleisaakha, ina nganuilakha eina thuida Proholi ngacheelala, ana ili sāthathaora,

2 THOTRINCHĀN 34:3

Kum chishat mungda, nganuilak eina leilakha avāva̱ Davidwui Vareli phāphoka; kala tharāda kakhane kum Judah eina Jerusalemwui kajujuipam, Asherim, kala rukkakhui kala heikakhui meoma̱ saikora chiwui eina tharkhavai sai.

HĀSHOKME 12:1

Makapha atam rāhaida kala atam angasut nganaihaida “Chikathali iwui ringkapha maleimana” da kahāng atam mararanglakha yaronshaplakha nawui Kasā akhavali phaningunglu;

MATTHEW 18:28

Kha raopā chi kayāng kashok eina awui lupā shākha shuk kahaiya rao sakharuma akha samphanga, kala ali kharokli singkhuida hānga, ‘Iwui leiman chi milu.’

MATTHEW 20:1

“Kaja kazing wungram chiya shimva̱na awui yāmguili ot sākhavai ngathorthakva̱ ngalangkaphei mi phākazat kathāna.

MATTHEW 20:13

Kha ana athum akhali hānga, ‘Itao, ina nathumli khalāng khikha masāmana, lupā akhara da khamayā maningmala?

MATTHEW 20:3

Khaleilaga pung chiko katā eina, keitheilungli khiotkhala masātheimada nganingung eina nganingzatkasā mi kaikhali theida

MATTHEW 20:9

Chieina pung phangā maikhali ot sākaphokbing china lupā akharip samphanga.

MATTHEW 22:19

Khājanā kashānwui lupāsā akha ili chitheilu.” Athumna lupā akha khuirāmi.

MATTHEW 9:37

Chiwui thili ana awui sākhangatha̱bingli hānga, “Hatkhavai mā kachungkha lei, kha kahāta mi machungmana.

MARK 12:15

Miraka, mamimara? Kha athumwui phakharek chi theida, ana athumli hānga, “Ili khisāda chāng yangkhala? Lupāsā akha khuirālu, ina yangga.”

LUKE 1:15

Kaja Prohowui miktāli a kahaka mi ngasāra kala zamkhorla, khamaripa otla masāza̱mara, Ava̱wui naopamli leilakhawui eina, ali Manglā Kathara pemtinghaora.

LUKE 10:35

Akhama kathā ana denarii khani khuishoklaga shimva̱a chili mida hānga, ‘Ali mathālak eina ngahāmilu, hili lāngda zangkahai saikora I hankhaungli minaora.’”

LUKE 20:24

“Ili lupāsā akha chitheilu; chili khipāwui azak kala khipāwui aming kapihailikhala?” Athumna “Caesarwuina” da ngahānkai.

2 TIMOTHY 3:15

kala nganuilakhawui eina thuida, Khrista Jishuli shitkasang mangā eina huikhami samphang khavaiwui apongli thanvākhamiwui thangkhamei mishapa kathara tui chi nana theihaira kaji phaningunglu.

PHONGKHAMI 6:6

Kala sāyur mati chiwui alungli ina akhon akha shai, “Thangkhawui ngalangman gehu horsaikha kala thangkhawui ngalangman barley horsai kathum, kha olive thao eina drakhāra̱ chi masāza̱alu.”

1 SAMUEL 2:18

Samuelna nganuilakha eina thuida khamenga kachon eina kasā ephod ngavaida Prohowui sheba sai.

1 SAMUEL 2:26

Chitharan naoshinao Samuel rarsangmamānda Prohowui kala miwui khaluma nao ngasai.

1 SAMUEL 3:1

Kateowa naoshinao Samuelna Eliwui azingli Proholi otram ngatha̱sai. Chitharan Prohona mili chan mangazekphāphāmana, kala marāmahāmiphāphāmana.

1 SAMUEL 3:21

Kala Shilohli Prohona Samuelli rachitheiluiya, kaja Proho akhalattana Samuelli awui tui eina rāphongmiluishita.