MATTHEW 20:19 - Kathara Bible (BSI)

¹⁹ Kala ali mana̱shi khavai, ngaphit khavai kala krushtungli shaoshān khavai Gentilebingwui pāngli horsangmira; kala kakathumathang ali ngakarthuilui ngasakhaora.”

MATTHEW 20:19 Iomraidhean Croise

JOBWUI LAIRIK 30:8

Ning makhalei, khayā makhangarin nao thāda, ngalei chiwui eina athumli kashamhaowa.

LAA 35:16

Athumna ahā tarilaga ili marmei khangai marmeida mana̱shipama.

ISAIAH 26:19

Thikahaibing athumwui phasā eina ngakarthuiluishitra. O chifali okkathuibing, ngakarthuida khamathānwui laa sālu! Kaja ikra̱na apuk-apagva̱̱li ning mathing khangasak thāda, Prohonala achā thikahai athumli ngakarthui ngasakluishitra.

ISAIAH 53:3

Mibingna ali yangkharinga kala mamayāmana; wukkakhananga mi, sikafa thathei kahaia; mibingna mayangngaimada mai ngareithui kahai thāda, ali yangkharinga, kala ithumna ali machāpmimana.

HOSEA 6:2

Khanithangwui thili ana ithumli mathuk ngasakra; kakathumathang ana ithumli ngakarthui ngasakra, chieina ithumna awui mangāli ringpaira.

MATTHEW 12:40

Kaja Jonahna ngashun ngayā kathumthang khaihwui wuklungli kapam chithada miwui Naomayarala ngashun ngayā kathumthang ngaleilungli pamra.

MATTHEW 16:21

Atam chiwui eina thuida Jishuna awui sākhangatha̱bingli, ana Jerusalemli vālaga ararnaobing, pāngmon akhokabing kala ain kathembingwui eina kachotkachāng tarākha samphangra kala shaothathaora kha kathumthangwui thili ringshokluishitra kaji chitheiphokhaowa.”

MATTHEW 17:23

athumna ali shaothatra; kha kathumthangwui thili ringshokluishitra.” Chieina sākhangatha̱bing wukhananglakhaowa.

MATTHEW 27:26

Chiwui thili Pilatena Barabbasli athumwui vang chihomihaowa, kala Jishuli lijei eina ngaphitlaga krushli shaoshān khavai athumli mikāhaowa.

MATTHEW 27:63

hānga, “Amei, kakapika mayara china ringda leilakha, ‘Zimiksho kathumthangwui alungli ina ringshokra’ da hāngkahai chi ithumna phaningunga.

MARK 14:65

Kaikhana Jishuli machora̱ mashorrorphoka, amaila rommi, kashaola shaoda, “Marānlu!” da hānga. Kala shantribingna ali kapheya.

MARK 15:1

Pāngmon akhokabingna kazing thangkhaleoda ararbing, ain kathemabing kala hangva̱naobingli ngasoda tui ngacham ngaroka. Athumna Jishuli khalaplaga shimenphungda Pilateli vamisanghaowa.

MARK 15:15

Pilatena yarui penkhavai athumwui vang Barabbasli chihomi; kala Jishuli lijei eina ngaphitlaga krushli shaothat khavai mihaowa.

LUKE 18:32

Kaja ali miyur khangateibingwui pāngli horsangmihaida athumna ali mana̱kashila mana̱shira, kakhayakla khayak ngasakra kala machora̱la mashorrorra.

LUKE 23:11

Herod eina awui shipaibingnala zeida mana̱shiya. Chiwui thili wungnao sāri ngavaimilaga Pilatewuili chihovāluishithaowa.

LUKE 24:46

“Hithada kapihaili, kaja Messiahna kachotkachāng phungphalungra kala kakathumathang kathiwui eina ringluira.

OTSAK 2:23

Rilak eina Varena ngarānping kahai athishurda Jishuli nathumwui pāngli horsangmi kala makaphābingwui pāng zangda ali krushtungli shaothat ngasaka.

OTSAK 21:11

Ana ithumwuili rāda Paulwui shānneira̱ khuilaga khalattawui aphei apāng khalaphailaga hānga, “Hi Manglā Katharana kahāngna; Shanneira̱ hiwui akhavāli Jerusalemwui Jihudibingna hithada khalaphailaga Gentilebingwui pāngli horsangmihaora.”

OTSAK 4:27

Kaja nana thao neomi kahai nawui rao kathara Jishuli yuishida, Herod eina Pontius Pilatena Gentilebing eina Isrealnaobingli ngasoda keinung hili kazip kachangkhata;