MATTHEW 20:16 - Kathara Bible (BSI)

¹⁶ Chieina khanaowa china rira kala khare china naora.”

MATTHEW 20:16 Iomraidhean Croise

MATTHEW 19:30

Kha arui khare kasābing kachunga naothuihaora kala khanaobingna rihaora.

MATTHEW 21:31

Khani hiwui ngachaili kachipāna avāva̱wui ningkachāng sākhala?” “Khararrapana sai” da athumna ngahānkai. Chieina Jishuna athumli hānga, “Ina nathumli kachangkhat kahāngna, khāshinā khalokabing eina khayorva̱ sha̱naobing china nathumli rida Varewui Wungramli zangra.

MATTHEW 22:14

Khikhalajila hokakhui kachungkhaya, kha kapang kakhui kateokhamanga.”

MATTHEW 7:13

“Khamasha̱ ngavei eina zanglu; khikhalajila shimān khavaiwui ngavei chi mashālaka kala shongfa chi zatphālaka, kala chi eina kazang mi chunglaka.

MARK 10:31

Kha aja khare kasā kachungkha khanaowa sāra kala khanaobingna khare sahaora.”

LUKE 14:24

Ina kahāngna kaja hokahaibingwui ngachaili mi khipānakha iwui zātkhān hili khamazap masamphangluimara.’”

LUKE 15:7

Chithada sāda ina nathumli kahāngna, ning ngatei khavai makhalei khamashung khangaronga mi hangchikoda chikoli ngasokapamliva morei kaphunga mi akhana ning khangatei china kazingramli mathānmeikharra.

LUKE 7:47

Chiwui vang eina ina nali kahāngna, awui morei kachungkha khalei chi pheomihaira, kaja ana leishilak eina sāmi; kha teoda pheokhami mi china teomeida leishi.”

ROMNAO 5:20

Ain khuikharā chi khayon-khamang chungsang khavaina; kha morei chungkasang eina Varewui lukhamashan chi lāngmeikharda chungsanga.

ROMNAO 8:30

Chithada sāda Varena kapangkhui kahaibing chili hokhui kala hokakhuibing chili ana mashungmi, kala athumli awui tekhamatei samphangrum ngasaka.

ROMNAO 9:30

Chithākha ithumna khi hāngra? Chiya khamashung khangarongli makhangahoma Gentilebingna shitkasangwui mangā eina khamashung samphanghaowa.

1 THESSALONICANAO 2:13

Khiwui vang eina ithumna atam kachida Vareli ningkashi khamikhala kajiwui apong khangateila lei. Ithumna nathumli Varewui paokaphā khuikharā tharan nathumna nganai kala miwui chānpao maningla Varewui chānpaolaka da kakhuila khuisanga. Kaja shitkasanga nathumwui alungli Varena ot sāda lei.