MATTHEW 20:1 - Kathara Bible (BSI)

¹ “Kaja kazing wungram chiya shimva̱na awui yāmguili ot sākhavai ngathorthakva̱ ngalangkaphei mi phākazat kathāna.

MATTHEW 20:1 Iomraidhean Croise

MATTHEW 13:24

Khangatei chānjam akhala athumli hāngchithei; “Kazing wungram hiya mi akhana awui luili athā khamathā yaosang kahai eina chānjam sāpai,

MATTHEW 13:31

Khangatei chānjam akhala athumli hāngchithei. “Kazing wungram hiya mi akhana kayānghanthā khuilaga awui luili yaosang kahai kathāna.

MATTHEW 13:33

Ana khangatei chānjam akha hāngchithei: “Kazing wungram hiya sha̱nao akhana khawok ari khuilaga mathir luk kathumkhali manātlaga makapchungranglakha eina tangda thumkahai kathāna.”

MATTHEW 13:47

“Latluida, kazing wungram chiya shamadruli khaihlan horsanglaga khai ayur kachiva̱ phākakhui kathāna.

MATTHEW 20:2

Ot kasābing chili thangthangwui ngalangman lupā ava̱va̱ mira da mayā ngarok kahaiwui thili awui drakhā yāmguili chihovai.

MATTHEW 21:28

“Nathumna khi phaninglikhala? Mi akhawui naomayara khani leisai. Ana khararra chili vāda hānga, ‘Inao aja drakhā yāmguili ot asālu.’

MATTHEW 22:2

hānga, “Kazing wungram chi awunga akhana anaomayarawui shakzāt zātkhān akha khamili chānjam sapai,

MATTHEW 23:37

“O Jerusalem! Jerusalem, marānbingli shaothata kala nawuili chihokharābingli lunggui eina horthata! Ina nawui naongarāli harva̱na anaoli angachangzingli kapum thada pumkhami kayākha shirakhala, laga chi nana masā ngasakmana.

MATTHEW 25:1

“Kazing wungram chiya thaomei singlaga mākakhāmali samphang khavai khavā ngalā tharāli ngaheopai.

MATTHEW 25:14

“Kaja mi akha kha̱ram vauki kaji eina awui raobingli hokhuilaga awui khalalei lan athumwui pāngli horsangmi kahai kathāna;

MATTHEW 3:2

“Ningngateilu, kaja kazing wungram nganaishunhaira.”

MARK 13:34

Hiya mi akhana shimwui eina zatkaphok tharan awui raobingli shim chi mayon khavai horsangmihailaga kala mi ava̱va̱li kachichāwui otphun mihailaga kala khamong khamayonali mayonkazakzaklu da kasohailaga kharam vākahai kathāna.

JOHN 15:1

“I akachanga drakhārong china kala iwui Avāna drakhārong sākhamathaana.

1 CORINTHNAO 15:58

Chiwui vang eina leikashe ivānaobing, nganingtitlu. Nana Proholi otram khangatha̱ hi arema mangasāmara kaji theida otram khangatha̱li marekta sāchinglu.

HEBREWNAO 13:21

awui kaphaning sākhavai Varena kaphā chi ngarumsangmida, Khristawui mangā eina awui ningyāng ungkhavai ithumwui eina shokranu. Khristali mashimānda tekmateichingranu. Amen.