MATTHEW 2:9 - Kathara Bible (BSI)

⁹ Awungana kahāng chi athumna nganākhui kahaiwui thili zathaowa, kala yanglu, athumna zingshoshong theikahai sirā china angangnaona khalei apam chili mavāngasāmranglakha eina tangda athumli rizata.

MATTHEW 2:9 Iomraidhean Croise

LAA 25:12

Proholi khangachee mi chi khipākhala? Chipāli ana kapangkhuiki kaji apong chi ali tamchitheimira.

CHĀNSAM 8:17

Ili leikashibing chili ina leishi, kala ili ningsanglak eina kaphābingna ili samphanga.

MATTHEW 2:10

Sirā chi kathei tharan athum khamathānna pemtinghaowa.

MATTHEW 2:2

“Pharā kahaia Jihudibingwui awunga chi kali leikhala? Kaja ithumna awui sirā zingshoshong theihaida ali khorum khavai kharāna.”

MATTHEW 2:8

laga ana athumli Bethlehemli chihovāda hānga, “Vālu kala angangnao chili ningkachang eina phākhuilu kala nathumna ali phākhui kahai tharān ilila pao unghānglu, chieina inala ali akhorumpaira.”

2 PETER 1:19

Khamarān tui chi ithumna mathāmeida theikhui. Tui chili nathumna ningsangmeida nganākhuiakha phāmeikharra, khiwui vangkhala kaja hiya kazing mathangranglakha kala nathumwui ningli zingthanwo mashokranglakha, tangkhamang pamli thaomei kashar kathāna.