MATTHEW 2:6 - Kathara Bible (BSI)

⁶ ‘Judah ngaleili khaleiya O, Bethlehem, nava Judahwui keinungbingwui ngachaili teomeikap kaje khamunga maningmana; kaja khamunga akhavā akha nawui eina shokta iwui miyur Israelli mungra.’”

MATTHEW 2:6 Iomraidhean Croise

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

2 SAMUEL 5:2

Khare kachāng Saulna ithumli munglakha Israelli thānshokkhame chi nana; kala Prohona nali, ‘Iwui Israel mibingwui yao kahoma sāra, kala athumwuitungli nana wungnao sāra’ da hānghaira.”

1 THOTRINCHĀN 2:51

Salmana Bethlehemwui avāva̱na; kala Harephna Beth-gaderwui avāva̱na.

1 THOTRINCHĀN 5:2

Judahna malinglaksālala, kala wungpam chi awui eina shoklala khararyar Josephwui ngasāhaowa).

EZRA 2:21

Bethlehemwui naomayarabing, shākha maga̱da kathum.

ISAIAH 40:11

Yaokahoma thāda ana yaobingli mizāra; yaonaobing apāngli kazipkhuira; awui makāli vamzatra; kala anao khangathāna ava̱bingli ngaironda homzatra.

MICAH 5:2

Kha na, O Bethlehem Ephrathah, Judahwui shang ngasākida kateowa, nawui eina iwui vang Israelli khamunga saki kaje akha shokra, awui haophok khavai chiya kharewuina, achālakhawui einana.

MISHĀN 24:19

Jacobna munghaora, kala keinungli kataibing sāshimānhaora!”

MATTHEW 2:1

Herod awungawui atamli Judeali khalei Bethlehem kaho keinungli Jishuli pharai. Kala yanglu, zingshoshongwui eina maheikathembing Jerusalemli rālaga ngahāna,

MATTHEW 28:18

Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

JOHN 21:16

Jishuna ali kakhaneli hāngluishita, “Johnwui naomayara Simon, na ili leishila?” Ana “Mha, Proho, ina nali leishiya kaji nana thei,” da ngahānkai. Jishuna ali hānga, “Iwui yaobingli homlu.”

JOHN 7:42

Kathara lairikli hāngkahai Messiah chi Davidwui shangnaora kala Davidna pamkasa keinung Bethlehemli pharāra” da hanghaili ji.

EPHESIANAO 1:22

Ot saikora Varena Khristawui pheizingli haimi, kala churchwui vang ot saikorawuitungli akhavā sāngasaka.

COLOSSIANAO 1:18

Ana awui phasā, kaja churchwui akuiana, haokaphoka, kathebingwui eina pharāshok kharena. Chieina ot saikorali ana mataimeikap kajina.

HEBREWNAO 7:14

Ali Judah shimkhurli pharai kaji tharlak eina theikahaina; kala pāngmonwui pongli Mosesna khamatui tharan shang hiwui pongli khikha mahāngmana.

PHONGKHAMI 11:15

Chiwui thili kashine kazingrao china awui talla̱ chi khonguwa; chiwui thili kazingramli akhon panglāk eina vaoda hānga, “Okathuiwui wungram, ithumwui Proho kala awui Messiahwui wungram ngasāhaira, ana katang mavaila mungra.”

PHONGKHAMI 2:27

ina iwui Avāwui eina pangshap samkaphang thada, ana mari khāmshui singda athumwuitungli mungra kala ham kasaawui hambing shaokakhai thada shaokachupra,

PHONGKHAMI 7:17

khikhalajila wungpamkhong alungthungli kapama Yaonao china athumli hommida kharinga tara̱ khawur ura̱pamli thanvāmira; kala Varena athumwui mikwui chara̱ mitmisera.”