MATTHEW 2:22 - Kathara Bible (BSI)

²² Kha Archelausna avāva̱ Herodwui mahut shinda Judeali mungda lei kaji Josephna kashā tharan apam chili ungzangkida ngacheehaowa, kala ali mangshong rāhāngchitheimihaoda Galilee ngaleivāk unghaowa.

MATTHEW 2:22 Iomraidhean Croise

LAA 121:8

Prohona nawui khaung khavā arui atam eina thuida katang mavaila mayonmira.

LAA 48:14

Kaja mashimānda makashimān Vare hi ithumwui Varena. Mashimānda ana ithumwui thānkhame sāra.

LAA 73:24

Nana hāngkachithei eina ngasoda ili thānmi, kala naoda nana tekhamatei eina ili samphangra.

ISAIAH 30:21

Khanukshong khamatui nathumwui khanāna shāra, “Hi khamashunga shongfa china, uivāk vālala, yāvāk vālala, chili zatlu.”

MATTHEW 1:20

Kha ana hiwui pongli machukta leilakha, yanglu, Prohowui kazingrao akhana awui mangshongli rāhānga, “Davidwui naomayara, Joseph, napreiva̱ Maryli khuikida mangacheealu, kaja ana vaida khalei chi Manglā Katharawui pangshap einana.

MATTHEW 2:1

Herod awungawui atamli Judeali khalei Bethlehem kaho keinungli Jishuli pharai. Kala yanglu, zingshoshongwui eina maheikathembing Jerusalemli rālaga ngahāna,

MATTHEW 2:19

Herod thikahaiwui thili Prohowui kazingrao akhana mangshong Josephli ramahāda hānga,

MATTHEW 2:21

Chieina ana ngakarthuilaga angangnao eina ava̱va̱li thānphungda Israel ngaleili unghaowa.

MATTHEW 3:13

Chiwui thili ali ra̱hikmi ngasakida Jishuna Galileewui eina Jordan kongli Johnwuili rai.

LUKE 2:39

Prohowui ain athishurda athumna ot saikora sākup kahai eina Galileeli khalei athumwui keinung Nazarethli latunghaowa.

JOHN 7:52

Chieina athumna ngahānkai, “Nala Galileewui eina kharāla? Kathara Lairik pāyanglu, kachilikha Galileewui eina marān mashoklakmana kaji theira.”

1 SAMUEL 16:2

Chieina Samuelna hānga, “Ina kathāda vārakhala? Kalikhada Saulna hi shaakha, ana ili sāthathaora.” Chieina Prohona hānga, “Seilānao akha khuiphunglu, kala ‘Proholi apha̱phayāra’ jilu.