MATTHEW 2:20 - Kathara Bible (BSI)

²⁰ “Ngakarthuilu, angangnao eina ava̱va̱li thānphungda Israelwui ngaleili ungulu. Angangnao chili sāthat khavai kaphā athum thihaira.”

MATTHEW 2:20 Iomraidhean Croise

1 WUNGNAOBING 11:21

Kha Hadadna Egyptli leilakha, David thihaira kala raimi kathāna Joabla thihaira da kashā eina, Hadadna Pharaohli hānga, “Iramli latung khavai khamayāmilu.”

1 WUNGNAOBING 11:40

Chiwui vang eina Solomonna Jeroboamli sāthat khavai ngarāna; kha Jeroboamna Egyptwui awunga Shishakwuili yāmvāhaowa, kala Solomon mathiranglakha eina tangda Egyptli pama.

SHONGZĀ 4:19

Kala Midianli leilakha Prohona Mosesli hānga, “Egyptli latunglu, kaja nali sāthatkida khangarānbing ara thiserhaira.”

MATTHEW 2:13

Athum zatkahaiwui thili yanglu, Prohowui kazingrao akhana mangshong Josephli ramahāda hānga, “Ngakarthuilu, angāngnao eina ava̱li khuiphungda Egyptli yāmvaulu, kala ina pao mashirātranglakha eina tangda chili pamsālu; kaja Herodna angangnao chili sāthat khavai phāki jiura.”

MATTHEW 2:19

Herod thikahaiwui thili Prohowui kazingrao akhana mangshong Josephli ramahāda hānga,

MATTHEW 2:21

Chieina ana ngakarthuilaga angangnao eina ava̱va̱li thānphungda Israel ngaleili unghaowa.