MATTHEW 2:2 - Kathara Bible (BSI)

² “Pharā kahaia Jihudibingwui awunga chi kali leikhala? Kaja ithumna awui sirā zingshoshong theihaida ali khorum khavai kharāna.”

MATTHEW 2:2 Iomraidhean Croise

LAA 2:6

“Iwui kathara Zion kaphungli, ina iwui awunga chipamhaira.”

LAA 45:11

kala awungana nawui khamathā chi ningchāngra. A nawui akhava ngasāhaoda, ali khorumlu.

ISAIAH 60:3

Kala yurbingna nawui kahorli rāra, kala awungabingna nawui reikasangwui kahān chili rāra.

JEREMIAH 23:5

“Yanglu, Davidwui vang ina khangaronga Aphāng akha shokngasaki kaji atam chi rārāli, kala ana awunga sāda mungra kala thangmeilak eina sāra, kala ngalei hili mashun kala khangarong eina bichar sāmira.

JEREMIAH 30:9

Kha athumna athumwui Proho Vareli kala awunga Davidli, athumwui vang ina sakāmiki kaje chili otram ngatha̱ra.

ZECHARIAH 9:9

Ringphālu, O Zionwui naongalāva̱! Pangda vaolu, O Jerusalemwui naongalāva̱! Yanglu, nawui awunga gadhā alānao akhali tongda nawuili rārāli; maikhayā kala khayuiya chi alaka,

MISHĀN 24:17

Ina ali thei, kha arui maningmana; Ina ali yanga, kha manganaimana: Jacobwui eina sirā akha shokra, Israelwui eina khānthing akha kharshokra; china Moabwui khavei ngaphitkhaira, kala Shethwui naomayarabingli sākhayāngra.

MATTHEW 2:3

Herod awungana tui chi shālaga ningkashaklakhaowa kala Jerusalemli khalei mibing saikoranala chithāhaowa.

MATTHEW 21:5

“Zionwui naongalāva̱li hānglu, Yanglu, nawui awunga nawuili rārāli! ngahuiri eina, gadhātungli, gadhā chiwui avānaoli tongda.”

MATTHEW 27:11

Jishuna governorwui mangāli kānganinga kala governorna Jishuli, “Na Jihudiwui awungalā?” da ngahāna. “Chi nana hānghaira” da Jishuna ngahānkai.

LUKE 19:38

“Proho mingli kharā awungali ka̱lā mahairanu! Kazingramli chingrihairanu kala juikhamataiyali tekmateirānu.”

LUKE 2:11

Aja Davidwui keinungli nathumwui vang Huikhame akha pharāhaira, ava Proho Khristana.

LUKE 23:3

Pilatena ali ngahāna, “Na Jihudiwui awungalā?” Ana ali ngahānkāda hānga, “Chi nana hānghaira”

LUKE 23:38

Kala awui kuishakli. “Hi Jihudiwui Awungana” da kapihai.

JOHN 1:49

Nathana-elna Jishuli ngahānkai, “Ojā, na Varewui Naomayarana! Na Israelwui awungana!”

JOHN 12:13

Chieina athumna khaneinā singlaga Jishuli samphang khavai vai, kala “Hosanna! Prohowui mingli kharā Israelwui Awungali ka̱lā mahairanu” da vaowa.

JOHN 18:37

Pilatena ali hānga, “Thakha na awunga akharali!” Jishuna ngahānkai, “I awungana kaji hi nana hāngda lei. Ili hiwui vang kapharāna, kala hiwui vang khamashung chili shākhi mikhavai I apuk-apagva̱li kharāna. Khamashunga mi kachivana iwui tui khuisanga.”

JOHN 19:19

Pilatena tuipeng akha kapikhuilaga krushli shāphai; tui chi hithai: “Nazarethwui Jishu, Jihudiwui Awunga”

JOHN 20:28

Thomasna ngahānkai, “Iwui Proho, iwui Vare!”

JOHN 5:23

Chieina mi saikorana Avāva̱li khayākashi tākam eina Anaomayaralila khayāshira. Kachikathāna Anaomayarali khayāmashiakha ali kashirāta Avāva̱li khayāmakashina.

JOHN 9:38

Mipa china “Proho, I shitsanga” da hānga kala ali khoruma.

HEBREWNAO 1:6

Varena awui naochizai Naomayarali okathuili chihokharā tharan hithada hānga, “Varewui kazingrao saikorana ali khorumranu”

PHONGKHAMI 22:16

“Jishu ina, churchbingli shākhitui hi hāngmi khavai iwui kazingrao kashirātna. I Davidwui angayung kala naotun, kahora zingthānwona”,