MATTHEW 2:15 - Kathara Bible (BSI)

¹⁵ Herod mathiranglakha eina tangda chili pama. Hi Prohona marānwui khamor eina matuishok kahai, “Inaomayarali Egyptwui eina ina hoshoka” kaji ungshung khavaiwui vangna.

MATTHEW 2:15 Iomraidhean Croise

SHONGZĀ 4:22

Chieina nana Pharaohli hāngra, ‘Prohona kahāngna, Israel hi iwui naochizaina.

HOSEA 11:1

Israelna angāngnao sālakha ina ali leishi, kala Egyptwui eina inaomayarali hokhui.

MISHĀN 24:8

Varena ali Egyptwui eina khuishoka; awui pangshap ramsei ngajina, ali yangkashe yurbingli ana shaihaora, kala athumwui ara̱kui akha̱-akhā sāmira, kala awui malā eina kapngara̱wutmihaora.

MATTHEW 1:22

Prohona marānwui khamor eina matui kahai chi ungshung khavai saikora hi rākashokna.

MATTHEW 2:14

Chieina Josephna ngakarthuida angangnao eina ava̱va̱li thānphungda Egyptli vākhavai ngayāshong zatthuwa.

MATTHEW 2:17

Hithada Jeremiah marānna hānghaikasā chi ungshunghaowa:

MATTHEW 2:19

Herod thikahaiwui thili Prohowui kazingrao akhana mangshong Josephli ramahāda hānga,

MATTHEW 2:23

Ana Nazareth kaho keinung akhali vāpāna, chi marānbingna “Ali Nazarene hora” da hāngmarānhaikasā chi ungshung khavaina.

MATTHEW 21:4

Marānna hithada hānghaikasā chi ungshungvairanu da hi shok khangasakna:

MATTHEW 26:54

Kha chithāhaosi kaja kathada Kathara Lairikli kapi kahai hithada shokphalungra kaji chi ungshungpairakhala?”

MATTHEW 26:56

Kha kashok saikora hi marānbingwui Kathara Lairik chi ungshung khavaiwui vangna.” Chiwui thili sākhangatha̱bingna ali chihohaida yāmserhaowa.

MATTHEW 27:35

Kala ali krushli shaoshānhailaga athumna ka̱lā yanglaga awui kashankachon chi ngayara,

MATTHEW 8:17

Hi Isaiah marānna “Ana ithumwui kakazā saikora khuithuimiya kala ithumwui kazāt saikora phungmiya” da hāngkahai ungshung khavaina.

LUKE 24:44

Chiwui thili ana athumli hānga, “Hi ina nathumli ngasopamlakha hāngkahai, matui kahai saikora china, kaja marānbingwui lairikli, Moseswui ningkhami lairikli, Laa lairikli kapi kahai saikora chi ungshungphalungra.”

JOHN 19:28

Chiwui thili Jishuna ot kuphaira kaji theida, Kathara lairikwui tui chi ungshung khavai, “I ra̱changhaira” da hānga.

JOHN 19:36

Kathara lairikli “Awui ara̱kui akhala matek ngasakmara” da hāngkahai chi ungshung ngasaka.

OTSAK 1:16

“Ivānaobing, Jishuli tukkakhuibingli kathāna Judaswui apongli Manglā Katharawui pangshap eina achālakha Davidna hāngkahai kathara tui chi ungshungphalungra.