MATTHEW 2:13 - Kathara Bible (BSI)

¹³ Athum zatkahaiwui thili yanglu, Prohowui kazingrao akhana mangshong Josephli ramahāda hānga, “Ngakarthuilu, angāngnao eina ava̱li khuiphungda Egyptli yāmvaulu, kala ina pao mashirātranglakha eina tangda chili pamsālu; kaja Herodna angangnao chili sāthat khavai phāki jiura.”

MATTHEW 2:13 Iomraidhean Croise

1 WUNGNAOBING 11:17

kha Hadadna nganuisāhaoda avāva̱wui rao Edomwui mi kaikhali ngasoda Egyptli yāmvāhaowa.

1 WUNGNAOBING 3:5

Gibeonli leilakha ngayāshong, mangshongli Prohona Solomonli rāchithei; kala Varena hithāda hānga, “Nali khi milu jikhala polu.”

JOBWUI LAIRIK 33:15

Ngayāshong mina petli piphup kahai tharan mangli, kala rākhamahāli,

JOBWUI LAIRIK 33:17

mina awui otsakwui eina ngateithui khavai, kala miwui eina langkaso khuithuihai khavai;

SHONGZĀ 1:22

Chiwui thili Pharaohna awui mi saikorali kasoi, “Hebrew shimkhurli kapharā mayarnao saikora Nile kongli horsanghaolu, kha sha̱naobinga ringranu.”

MATTHEW 1:20

Kha ana hiwui pongli machukta leilakha, yanglu, Prohowui kazingrao akhana awui mangshongli rāhānga, “Davidwui naomayara, Joseph, napreiva̱ Maryli khuikida mangacheealu, kaja ana vaida khalei chi Manglā Katharawui pangshap einana.

MATTHEW 10:23

Athumna nathumli keinung akhali rekakharek chitharan khangatei akhali yāmvālu; kaja Ina nathumli kachangkhat eina kahāngna, miwui Naomayarana marāranglakha eina tangda nathumna Israel keinung saikorali sākikaji ot masākuprangsāra.

MATTHEW 2:12

Mangshong Herodli malatungluialu da rākasohaoda athumna shongfa khangateishong eina aramli hanunghaowa.

MATTHEW 2:14

Chieina Josephna ngakarthuida angangnao eina ava̱va̱li thānphungda Egyptli vākhavai ngayāshong zatthuwa.

MATTHEW 2:16

Chiwui thili maheikathembingna ali awor sākahaina da kathei eina Herod malungvātlakhaowa. Chieina Bethlehemli kala chiwui ruinganaili khalei naomayara kum khani kākahai kala chiwui azingli khalei saikorali shaothat khavai hukhum mida shaothatserhaowa; kashok otshot hi ana maheikathembingwui eina ngahānshingkakhui atam chiwui eina shānkhuilaga kasāna.

MATTHEW 2:22

Kha Archelausna avāva̱ Herodwui mahut shinda Judeali mungda lei kaji Josephna kashā tharan apam chili ungzangkida ngacheehaowa, kala ali mangshong rāhāngchitheimihaoda Galilee ngaleivāk unghaowa.

OTSAK 10:22

Athumna hānga, “Shipai shākhawui akhavā Corneliusna chihokharāna. Ava Vareli khokharuma kala Jihudi yur katongana kasoa kaphā mi akhana. Nali awui shimli hounglaga nana hāngmikhangai chi nganākhui khavai Varewui kazingraona nali ahokhuilu da ali hānga.”

OTSAK 10:7

Kazingrao chi thuikahai eina Corneliusna awui rao khani kala shitkasang khangazipa shipai akha da athumli hokhui.

OTSAK 12:11

Chiwui thili Peterna ning mathingkhaung eina phaningkhuida hānga, “Ara ina theishinghaira, Prohona awui kazingrao shirātāda ili Herodwui pāng eina kala Jihudibingna honkasā saikora chiwui eina kanmihaira.”

OTSAK 12:7

Kashuirak eina Prohowui kazingrao akha chili tānganingda phātop shim chi horchamrihaowa. Kazingrao china Peterli yartui khanuklaga “Thakta ngakarthuilu” da mathota. Ngalāngda marikhanghui chi Peterwui eina ngalatāhaowa.

OTSAK 16:36

Chieina phātop khamayona china Paulli hānga, “Bicharwobingna nanili chihohaolu kaji pao shirātrāhaira. Chieina ara nani shokpaira. Chingri eina zatulu.”

OTSAK 5:19

Kha ngayāshong Prohowui kazingrao akhana phātop shimwui khamongbing chi shomihailaga athumli khuishokta hānga,

OTSAK 7:19

Ana ithumwui miyurli sāshilak eina sai kala athumwui angangnaobing chi chithit khavai ishawo ngarābingli tandi sai.

JOSHUA 3:13

Okathui saikorawui Prohowui ningkhami oko ngava̱kazata pāngmonbingwui pheimayā Jordan tara̱li zangkhanai eina atungshong eina longkatā tara̱ chi ngasāmhaora kala phākho thāda nganinghaora.”

JOSHUA 3:17

Kala Israelnaobingna ngalei katheng chili kānlakha, Prohowui tuingashit oko kaphunga pāngmonbing china mi saikora makānkupranglakha eina tangda Jordan kong alungthungli nganinga.

JOSHUA 4:10

Kaja Mosesna Joshuali kaso kahai athishurda Prohona Joshuali sāluda kaso kahai saikora makupranglakha eina tangda oko chi khangava̱ pāngmonbingna kong alungthung chili nganinga. Mibingna katotsisi eina makānkai;

JOSHUA 4:18

Prohowui tuingashit oko khuikaphunga pāngmonbing chi Jordan alungthungwui eina zatphokta athumwui phei ayar kathengli shoknaikasang eina, Jordanwui tara̱ chi hanungda kharewui khalong thāda kong pemda longluihaowa.

PHONGKHAMI 12:14

Kha lamhāngli kum kathum yongung-yongvā khavai khalāngwui angachāng kahakva̱ khani preiva̱ chili mi, chiya dragon china mangaphan khavaina.

PHONGKHAMI 12:4

Ana akhamei eina kazingwui sirā khum kathumwui khumkha okathuili khayittāhaowa. Nao pharātākhaleoda shaikhavai dragon china preiva̱wui mangāli nganinga.

PHONGKHAMI 12:6

kala preiva̱ chi zimiksho thingkha shākhani hangtharukthang nganaomiki kaje Varena ngarānmi kahai lamhāngli yāmvāhaowa.