MATTHEW 2:12 - Kathara Bible (BSI)

¹² Mangshong Herodli malatungluialu da rākasohaoda athumna shongfa khangateishong eina aramli hanunghaowa.

MATTHEW 2:12 Iomraidhean Croise

HAOKAPHOK 31:24

Kha Arampā Labanli Varena chithang ngayā awui mangshongli rāhānga, “Ning ngasharlu, kaphāranu kashiranu, Jacobli khituikha mahānglakalu.”

SHONGZĀ 1:17

Naosak kasingva̱ khani china Vareli khangacheewui vāng Egypt awungana kakaso athishurda masāmana, kha mayarnaobingla ringngasaka.

DANIEL 2:19

Kala Danielli māngli rāmahāmida khangathuma tui chi chitheimi. Chieina Danielna atungshongwui Vareli ningkashi mi.

MATTHEW 1:20

Kha ana hiwui pongli machukta leilakha, yanglu, Prohowui kazingrao akhana awui mangshongli rāhānga, “Davidwui naomayara, Joseph, napreiva̱ Maryli khuikida mangacheealu, kaja ana vaida khalei chi Manglā Katharawui pangshap einana.

MATTHEW 2:13

Athum zatkahaiwui thili yanglu, Prohowui kazingrao akhana mangshong Josephli ramahāda hānga, “Ngakarthuilu, angāngnao eina ava̱li khuiphungda Egyptli yāmvaulu, kala ina pao mashirātranglakha eina tangda chili pamsālu; kaja Herodna angangnao chili sāthat khavai phāki jiura.”

MATTHEW 2:19

Herod thikahaiwui thili Prohowui kazingrao akhana mangshong Josephli ramahāda hānga,

MATTHEW 2:22

Kha Archelausna avāva̱ Herodwui mahut shinda Judeali mungda lei kaji Josephna kashā tharan apam chili ungzangkida ngacheehaowa, kala ali mangshong rāhāngchitheimihaoda Galilee ngaleivāk unghaowa.

MATTHEW 27:19

Chili lāngda Pilatena bichar sākhavaipamli leilakha apreiva̱na ali tui akha shirāta, “Khayon makhalei mi chili khikha sākhavai maleimana, khikhalajila arui ngayā iwui mangshong ina awui vang tarākha khananghaira.”

LUKE 2:26

Prohowui Khrista chi matheiranglakha eina tangda a mathimara da Manglā Katharana phongmihairasai.

OTSAK 10:22

Athumna hānga, “Shipai shākhawui akhavā Corneliusna chihokharāna. Ava Vareli khokharuma kala Jihudi yur katongana kasoa kaphā mi akhana. Nali awui shimli hounglaga nana hāngmikhangai chi nganākhui khavai Varewui kazingraona nali ahokhuilu da ali hānga.”

OTSAK 4:19

Kha Peter eina Johnna athumli ngahānkai, “Varewui miktāli awui tui khanganāli nathumwui tui khanganāna mashungmeila, nathum khalatta machukyanglu.

OTSAK 5:29

Kha Peter eina paokazatbingna ngahānkai, “Mibingwui tui nganāki kajipale Varewui tui nganātha̱ra.

1 CORINTHNAO 3:19

Kaja okathui hiwui thangkhamei hiya Varewui mangāli mangkhama̱na. Hithada kapihaili, “Thangkhameibingwui awor kasā chi Varena paisor eina tukkhuishapa.”

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.

HEBREWNAO 8:5

Athumna kasā hiya kazingramli sāda khalei ot chiwui aka̱la kathā sha̱kakhuina. Hi Mosesna sākasā chieina tākamhai. Ana Tabernacle sauki kaji tharan Varena ali hānga, “Kaphungtungli hāngkahai chi tākam eina mangapeilakla sālu.”