MATTHEW 19:9 - Kathara Bible (BSI)

⁹ Kha ina nathumli kahāngna, phokaphāwui vang maningla kachikathāna apreiva̱li pānghailaga sha̱nao khangateili khuiakha ana phokaphāna.”

MATTHEW 19:9 Iomraidhean Croise

HAOKAPHOK 20:3

Kha mangshong Varena Abimelechli rāhānga, “Yanglu, nana kakhuia sha̱nao chiwui vang eina na thiki jiura, kaja ava mi kateiwui preiva̱na.”

2 THOTRINCHĀN 21:11

Chili lāngda Judahwui kaphungpambingli kajujui apambing sakālaga Jerusalemwui mibingli mashitkasang pongli thānzatta Judahli apong nguingasaka.

JEREMIAH 3:1

“Mi akhana apreiva̱li pānghaida awui eina thuihailaga mi khangatei akhali aleihaiakha khare gaharana preiva̱ chili khuiluirala? Chikathā ram chi hakmahālak eina mamakhaomarala? Nana khayorva̱wui ot sāda kachungkhali ngasohaira; laga nana ili ungluipairala? da Prohona hānga.

JEREMIAH 3:8

Shitkasang makhaleiva̱, Israelwui phokaphā saikorawui vang ina kapāngwui lairik kapimida chiho kahai chi makhamashungva̱ achināva̱ Judahna thatheilaga mangacheela ala vālaga khayorva̱wui ot sāzata.

EZEKIEL 16:15

“Kha naming zathaoda nawui khamathāmāngli ning horsangda makachingva̱wui ot sāzata, kala rākakān saikorali mavātlakla yora.

EZEKIEL 16:29

Leihkhalon Chaldeanaobinglila khayorwui otsak mataisanga; chieina tangda nawui vang ningyang maungthuwa.

EZEKIEL 16:8

“Ina nali rakānluishit kaji tharan, yanglu, na leikashi khalei atamli leisai; kala ina iwui kachon fasangmida nawui khayā ngarinmi: mha, nali khuira da ina tuingashit sai, kala na iwui ngasāhaowa da Proho VAREna hānga.

MATTHEW 19:10

Sākhangatha̱bingna ali hānga, “Preigaharni ngachaili hikathā shokra jiakha ra̱sa makaphā phāmei.”

MATTHEW 19:8

Jishuna ngahānkai, “Mosesna nathumwui ning khamararwui vang napreiva̱ ngarāli pāngpaira da mayākhamina, kha haokaphokwui eina chi mathāmana.

MATTHEW 5:32

Kha ina nathumli kahāng hina, kachikathāna phokaphāwui vang maningla apreiva̱li pānghaiakha ana preiva̱li phokaphāva̱ sāngasaka; kala pāngkahai preiva̱li khangakuma mipā chi phophāhaira.

LUKE 16:18

“Preiva̱li pānghailaga khangatei akhali kakhui kachiva̱ phokaphāna, kala gaharali pāngkahaiva̱ sha̱nao chili khangakuma mi chila phokaphāna.

1 CORINTHNAO 5:1

Mashitkasanga miyurbing eina tangdala makasā khamathang-khamarang ot chi nathumwui ngachaili kaikhana sādalei kaji kachangkhat shāhaira. Kaja kachikathā mina ava̱gatuili ngakuma da hānga.

1 CORINTHNAO 7:39

Agahara ringda leilakha preiva̱ china ningkhān masāpaimana. Agahara thihaiakha ana ngakumkhangai mi chili ngakumpai; kha Prohowui mingli fathuiphalungra.

1 CORINTHNAO 7:4

Preiva̱na a khalatta aphasāwui akhavā maningmana. Chithada sāda gaharanala a khalatta aphasāwui akhavā maningmana, kha apreiva̱nana.