MATTHEW 19:7 - Kathara Bible (BSI)

⁷ Athumna ngahanlui, “Chithākha mayarana kapāngwui lairik milaga apreiva̱li chihoranu da Mosesna kachiwui vang kakasokhala?”

MATTHEW 19:7 Iomraidhean Croise

ISAIAH 50:1

Hithāda Prohona hānga: “Nava̱li ina chiho khavai kapāngwui lairik kali lei? Lha, iwui kachishuta khipāwui pangli nali ina yorsanghao? Yanglu, nawui khayonkhamāngwui vang nali yorkahaina, kala nawui khalāngwui vang nava̱li ina chiho kahaina.

JEREMIAH 3:8

Shitkasang makhaleiva̱, Israelwui phokaphā saikorawui vang ina kapāngwui lairik kapimida chiho kahai chi makhamashungva̱ achināva̱ Judahna thatheilaga mangacheela ala vālaga khayorva̱wui ot sāzata.

MALACHI 2:16

“Khikhalajila ngalā kapāng hi ina ningkachaiya” da Israelwui Proho Varena hānga; “kala khangama̱ khangashao eina sāri fakharor chi ningkachaiya da saikorawui Prohona hānga. Chieina ningngasharlu, kala mashitkasang masaalu.”

MATTHEW 1:19

Agahara Joseph mashun mi ngasāhaoda Maryli makhayak ngasakngaithuda ngathumsāda ali pānghaorada khangarān sai.

MATTHEW 19:6

Chiwui vang eina ani khani asā khani maningluimana, kha asā akhamānga. Chithākha Varena ngakummi kahai chili mi khipānakha masākhaiaranu.”

MATTHEW 19:8

Jishuna ngahānkai, “Mosesna nathumwui ning khamararwui vang napreiva̱ ngarāli pāngpaira da mayākhamina, kha haokaphokwui eina chi mathāmana.

MATTHEW 5:31

“Hithadala hānghai, ‘Kachikathāna apreiva̱li pānghaiakha ana pāngkahaiwui lairik chi sha̱naopāva̱li miranu.’

MARK 10:4

Athumna ngahānkai, “Mipa china kapāngwui lairik akha kapilaga pānghaipai da Mosesna mayai.”