MATTHEW 19:5 - Kathara Bible (BSI)

⁵ kala Varena hānga, ‘Hiwui vang eina mayara china ava̱ eina avāli chihohailaga preiva̱li ngarumhaora, kala ani khani akha ngasāhaora.’

MATTHEW 19:5 Iomraidhean Croise

HAOKAPHOK 34:3

Jacobwui naongalāva̱ Dinahli ningchānghaowa; kala leishilakhaoda ana ngahuiri eina khararchān sai.

2 SAMUEL 1:26

“Nawui vang ining sifahaira, ichina Jonathan! Nana ili ngahānkhangai! Nana ili leikashi matakhakhai, preiva̱ ngarāwui leikashili langmei.

1 WUNGNAOBING 11:2

yurbing hiwui pongli Prohona Israelwui mibingli “Nathum athumli ngalā mangakhotalu, athumla mangakhotaranu, kaja athumna nathumwui ning athumwui varebingli shurngasakhaora” da hānga. Solomonna leishida hikathāli ngavapshanhaowa.

LAA 45:10

Nganālu, O naongalāva̱, chukmajalu kala nakhanā nāshunglu; nawui mibing kala navāwui shimkhur malaihaolu;

LAA 63:8

Imanglāna nali shaitita; nawui yāpangna ili singmi.

MALACHI 2:15

Akhamang kaje Vare china Ithumli semhailaga kharing manglā china ithumli ringkhangasak maningmala? Kala ana khi ningchangkhala? Vareli kaphaninga ara̱-azā china. Chieina nathum khalatta ngasharlu, kala khipānakha awui yaronlakhawui preiva̱̱ chili khayāmakashi masaaranu.

MATTHEW 19:6

Chiwui vang eina ani khani asā khani maningluimana, kha asā akhamānga. Chithākha Varena ngakummi kahai chili mi khipānakha masākhaiaranu.”

ROMNAO 12:9

Kāshunglak eina leishilu, makaphāli ningkachailu, kaphā chi singtitlu.

1 CORINTHNAO 6:16

Khayorva̱li phasā khangasopā chi khayorva̱li asā akha sāhaira kaji nathumna matheimalā? Hi thada tharlak eina kapihaili, “Khani chi asā akha sāhaora.”

1 CORINTHNAO 7:2

Kha shuikhangashai kasui tarākha leihaoda mayarnao kachiva̱na kachichā preiva̱ leiranu,

1 CORINTHNAO 7:4

Preiva̱na a khalatta aphasāwui akhavā maningmana. Chithada sāda gaharanala a khalatta aphasāwui akhavā maningmana, kha apreiva̱nana.

EPHESIANAO 5:31

Hithada Kathara lairikli hānghai, “Hiwui vang eina mayarnao akhana ava̱ avā horhaida apreiva̱li ngarumhaora; kala ani khani akha ngasāhaora.”

KHALATLUI 10:20

Proho nathumwui Vareli ngacheelu; nathum ali ngavapta otram ngatha̱lu, kala awui mingli mingzailu.

KHALATLUI 11:22

“Kaja ina kaso kahai ningkhami hi ningsanglak eina mayonda Proho nathumwui Vareli leishida kala ali ngavapta awui apongli zatakha,

KHALATLUI 4:4

kha Proho nathumwui Vareli ngashiktit kaje nathumna aja eina tangda ringdalei.

1 SAMUEL 18:1

Ana Saulli ngazekkup kahai eina Jonathanwui ning Davidli shāptithaowa, kala Jonathanna akhalatta leikashi thāda Davidli leishihaowa.

1 SAMUEL 25:43

Davidna Jezreelwui Ahino-amlila khuida, khanini apreiva̱ sathathuihaowa.