Biblia Todo Logo
Bìoball air-loidhne

- Sanasan -




MATTHEW 19:29 - Kathara Bible (BSI)

29 Kala iwui mingwui vang shim lah chinao ngarā, azarva̱ ngarā, ava̱-avā, naongarā kala ram horkahai mi kachiva̱ shākha mataida samphangra kala makashimān kharing mirin mathunkhuira.

Faic an caibideil Dèan lethbhreac




MATTHEW 19:29
25 Iomraidhean Croise  

kaphā atam lei, kala kashimān atam lei; phākhari atam lei, kala horkahai atam lei;


I wui vang eina nathumli mi saikorana yangkharingra. Kha khanao eina tangda khāngkashapa china kahui samphangra.


Ngalei katumpamli yaokahai kathā chiya tui chi shālaga bhap tākhuida atheila mathei, kaikhana shāshā, hangthararuk kala kaikhana thumrārā mathei.”


Kaikhana ngalei katumpamli tāzangda athei mathei, thingrong kaikhali athei shāshā kala khangateili hangtharuruk thumrārā mathei.


Khikhalajila, awui mirin ngatangkhuira kaje a chi shimānra; kala kachikathāna iwui vang eina awui mirin shimānmiakha ana chi samphangra.


Kala yanglu, Jishuwuili mi akhana rāda hānga, “Ojā, ina katang makhavai kharing samphang khavai khi kaphā ot sāphalungrakhala?” da ngahāna.


Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu;


Kala athum katang makhavai tandipamli vāra, kha khamashungbingna katang makhavai kharingpamli vāra.”


“Iwui vang eina mibingna minamda khamashāt, rekakharek kala phenphāphāda morei chiphunkahaibing nathum sokhamina.


Kha rimeikapta, nathumna Varewui wungram kala awui khamashung khangarong chi phārifalu, chithākha saikora hi nathumli ngarumsangmira.


“Ili kharā mi kachiva̱na ava̱ avā, preiva̱, naongarā, achināngarā, azarva̱ ngara kala khalattawui mirinli mahorhairarakha, a iwui sākhangatha̱ masāpaimana.


Athumna marikhong khani chi ngayipheili khuishokhailaga athumwui khalalei saikora horhaiphungda athi shurthuwa.


“Miwui Naomayarawui vang eina nathumli ningkakachai, mahei kahai, kachipat kala nali aming phorphāphāda kazei tharan sokhami ngasāranu!


Nathumna apug-apagvawui ngasakha, apuk-apagva̱na awui chili leishira; kha ina nathumli apuk-apagva̱wui eina kapangkhuihaoda nathum apuk-apagva̱wui maningmana, chiwui vang eina apuk-apagva̱na nathumli ningkachai.


Kahāta china langhai samphanga kala katang makhavai mirinwui heiun kazipkhui, chieina khayaoa eina kahāta ringpharumra.


Ana iwui mingwui vang kayākha chotchangra̱khala kaji ina ali chitheira.”


Kha hithada kapihaida lei; “Khipānakha mathei, mashālakrang kaji, khipānakha shokra da maphaningsalak kaji, chi Varena ali leikashebingwui vang ngarānmi kahaina.”


Chiwui vang eina ithumna ara okathuiwui ningphanin eina mi khipālikha maphaningluimana. Atam akhali Khristali okathuiwui ningphanin eina phaningsai, kha ara chithada maphaningluimana.


Chimāng maningmana; iwui Proho Khrista Jishuli theikakhuiwui aman kasak chiwui vang eina ot saikora aremana da shānkhui. Awui vang eina ina ot saikora horhaira; chibing chi khamakhaowa thothap kathana da ina khuiya, chithākha ina Khrista chi samphangpai


Khristawui thi kashurwui vang mina zeiakha nathum ringphālu; hiwui kakhalata tekhamatei manglā, Varewui Manglā chi nathumwui lungli lei.


Khristawui otram ngatha̱ khavai mashitkasangbingwui eina khikha makhuilakla athum zatthui kahaina.


Lean sinn:

Sanasan


Sanasan