MATTHEW 19:26 - Kathara Bible (BSI)

²⁶ Kha Jishuna athumli yanglaga hānga, “Mikumowui vanga hi masāpaimana kha Varewui vanga masākapai maleimana.”

MATTHEW 19:26 Iomraidhean Croise

HAOKAPHOK 18:14

Prohowui vang sakkhanā khi leikhala? Hāngkahai atam mayokachāng ina rāluira, kala Sarahna naomayara akha samphangra.”

1 WUNGNAOBING 17:16

Prohona Elijahli kahāng thāda sāmham kakān mavaithuwa, thaokhongla katheng mavaithuwa.

JOBWUI LAIRIK 42:2

“Nana ot saikora shapsera kaji ina thei, kala nawui sākhangai akha eina tangda mahorhaipaimana.

LAA 3:8

Kankhami hi Prohowuina; nawui sokhami nawui yurbingwuitungli leiranu.

LAA 62:11

Varena hāngkhashiya; Ina shākhani shiya: kaja pangshap Varewuina;

JEREMIAH 32:17

“Iyavo, Vare Proho! Okathui eina kazingram nawui hakkhamahā pangshap kala napāng katingkashok eina sākakhuina! Nawui vang sakkhanā maleimana,

JEREMIAH 32:27

“Yanglu, I Prohona, phasā khavai saikorawui Varena; iwui vang sakkhanā leila?

ZECHARIAH 8:6

Saikorawui Prohona hithāda hānga: “Atam hitharan, hi shākkahaibingwui vang matakhakhaowa da, china iwui vangla matakhakhaora kajilā da saikorawui Prohona hānga.

MISHĀN 11:23

Chieina Prohona Mosesli hānga, “Prohowui pāng sha̱nāhaola? Ara iwui tui nawui vang ungshungnika maungshungnikhala yanglu.”

MATTHEW 19:25

Sākhangatha̱bingna chi shālaga matakhakhaida hānga, “Chithākha khipāli huimipairakhala?”

MATTHEW 19:27

Chiwui thili Peterna ngahānkāda hānga. “Yanglu, ithumna ot saikora horhaida nathi shurhaira. Chithākha ithumna khi samphangrakhala?”

MARK 10:27

Jishuna athumli yangda hānga, “Miwui vang masākapaina, kha Varewui vang chi maningmana, kaja Vareva saikora sāpaisera.”

LUKE 1:37

Kaja Varewui vang saknā kahai khikha maleimana.”

LUKE 18:27

Kha ana ngahānkai, “Mibingwui vang masākapai chi Varewui vanga sāpaisera.”

HEBREWNAO 6:6

mai ngareithui kahaibing! Athumli ning ngateilui khavai khuiungluiki kaji masākapai otna, kaja Varewui Naomayarali athumna krushtungli shāoshānluishitta yarui mangāli maishi ngasakta lei.

1 SAMUEL 14:6

Kala Jonathanna awui chāngvei phungkhame yarona chili hānga, “Rālu, ini ahui marimkashoka shipaibingli ayangsa; Prohona iniwui vang ngararmilapai, kaja kanmi khavai Prohowui vang teokhana lah chungkhana maleimana.”