MATTHEW 19:23 - Kathara Bible (BSI)

²³ Chiwui thili Jishuna awui sākhangatha̱bingli hānga, “Ina nathumli kachangkhat eina kahāngna, kashānga akhana kazing wungramli zangki kaji hi saklakra.

MATTHEW 19:23 Iomraidhean Croise

CHĀNSAM 11:28

Khalattawui kashāngli shitkasanga a chi ngahuihaora, kha khangarongana khamateka thingnā thāda timpamra.

MATTHEW 13:22

Ka̱shātronglungli yaosang kahai athā chiya tui chi shālala mirinwui vang malungkharing kala lanli leikashina tui chi shangthathaowa kala atheila mamatheithuwa.

MATTHEW 18:3

hānga, “Kachangkhat eina ina nathumli kahāngna, nathumna ningngateida naoshinao thada mathaakha kazing wungramli mazangrarlakmara.

MATTHEW 19:22

Yarona china tui chi kashā eina wukkhananglak eina thuihaowa, khikhalajila a shānglaka.

MATTHEW 21:31

Khani hiwui ngachaili kachipāna avāva̱wui ningkachāng sākhala?” “Khararrapana sai” da athumna ngahānkai. Chieina Jishuna athumli hānga, “Ina nathumli kachangkhat kahāngna, khāshinā khalokabing eina khayorva̱ sha̱naobing china nathumli rida Varewui Wungramli zangra.

MATTHEW 5:20

Kaja ina nathumli kahāngna, kaja ain kathema eina Phariseebingli nathumna mamashungmeirarakha kachilikha nathum kazing wungramli mazangrarmara.

MARK 10:23

Chieina Jishuna sākhangatha̱bingli yanglaga, “Varewui wungramli zangkida kashāngbingwui vang kayākha sakrakhala?” da hānga.

LUKE 18:24

Jishuna ali yangkālaga hānga, “Lan kachungkha khaleinaobingwui vang Vare wungramli zangkida kayākha sakrakhala?

JOHN 3:3

Jishuna ngahānkai, “Kachangkhat eina ina nali kahāngna, mapharāluishitakha khipānakha Vare wungram matheirarmara.”

JOHN 3:5

Jishuna ngahānkai, “Kachangkhat eina ina nali kahāngna, kachikathāna tara̱ eina kala Manglā eina kapharā maningakha Vare wungramli mazangrarmara.

OTSAK 14:22

Anina shitkasangabingli pangsang ngasaka kala khamashunga shitkasang chili mangacheilakla leiching khavai kasatsanga, kala “Vare wungramli zangkida ithumna kachotkachāng kachungkha phungphalungra” da tamchithei.

1 CORINTHNAO 1:26

Ivānaobing, nathumli hokakhui tharan kathasākhala kaji phaningyanglu. Mikumowuishong eina yangakha nathumwui ngachaili thangkhameila, pangshap khaleila kala wungnao pharātla machungmana.

JAMES 2:6

Kha nathumna kachāma mili mautshitmana. Nathumli singkakharenga kala karotshimli shimenkhavā chi kashāngabing maningmalā?