MATTHEW 19:21 - Kathara Bible (BSI)

²¹ Jishuna ali hānga, “Nana peichaongaiakha, ungulu, laga nawui khalalei saikora yorserhailaga kachāmnaoli mihaolu. Chieina kazingramli nawui lan leira. Chiwui thili rāda ithi shurlu.”

MATTHEW 19:21 Iomraidhean Croise

HAOKAPHOK 17:1

Abram kum hangchikoda chiko kākashung tharān Prohona rāchitheida hānga, “I Sashap-pangshapa Varena; iwui mangāli zatlu, kala shāt makā ngasakalu.

HAOKAPHOK 6:9

Noahwui naothot hithai. Noah khamashunga mina, awui thotli shātmakakā mina; Noahna Vareli ngavaplak eina okthui.

JOBWUI LAIRIK 1:1

Uz ngaleili Job hoda mi akha leisai, ava shāt makālak kaja mashungrik kahai, kala Vareli ngacheeda makaphāli makazanga mi akhana.

LAA 37:37

Shāt makakā mili machutkhuilu, kala mashungrik kahai chili yanglu, kaja chingri kahai miwui mataikasang lei.

MATTHEW 16:24

Chiwui thili Jishuna awui sākhangatha̱bingli hānga, “Kachikathāna ithi shurga jiakha, khalattali malaihailaga, awui krush phungda ithi shurranu.

MATTHEW 19:20

“Saikora hi ina mayonserhaira” da yarona china ngahānkai, “Khi khavāt leifakhala?”

MATTHEW 19:22

Yarona china tui chi kashā eina wukkhananglak eina thuihaowa, khikhalajila a shānglaka.

MATTHEW 19:28

Jishuna athumli hānga, “Kachangkhat eina ina nathumli kahāngna, kadhara oathuili, miwui Naomayarana awui tekhamatei wungpamkhongli kapam tharan, ithi kashura nathumla wungpamkhong tharada khanili pamda Israel shang tharāda khanili bichar sāra.

MATTHEW 4:19

Ana anili “Ithi shurlu, ina nanili mi kaphā mi sāngasakra” da hānga.

MATTHEW 5:48

Chiwui vang eina kazingli khaleia nathumwui Avāna kākashung chithada nathumla kāshungphalungra.”

MATTHEW 8:22

Kha Jishuna ali hānga, “Ithi shurlu, kathena athum khalattawui kathi chifa khavai haihaolu.”

MATTHEW 9:9

Jishuna apam chiwui eina zathaowa kala shongfali zatmamānda leilakha khāshinā khaloka, Matthew kahopā chi khāshinā khuikhavaipamli pamkasā chi thei. Jishuna ali, “Ithi shurlu” da hānga. Chieina Matthewna ngakarthuida athi shurthuwa.

MARK 10:21

Jishuna ali yangtitlaga leishida hānga, “Nawui khavāt akha lei; ungulu kala nawui khalalei saikora ungyorhailaga kachāmabingli mihaolu, chithākha kazingramli nawui lan kaziphaira; kala rāda ithi shurlu.”

MARK 2:14

Ana zatvāmamān kaji eina Alphaeuswui naomayara Levi khāshinā khalokpamli pamkasa theida ali hānga, “Ithi shurlu.” Chieina ana ngakarthuida athi shurthuwa.

MARK 8:34

Kala ana yarui chi awui sākhangatha̱bingli ngasoda hokhuida hānga, “Kachikathā mina ithi shurga jiakha, a khalattawui ningkachāng horhailaga awui krush phungda ithi shurranu.

LUKE 12:33

Nathumwui khalalei lan yorhaolu kala kathai-kachāmbingli milu; nathum khalatta kakān makhavai pheisākhao sākhuilu kala nathumwui lan chi kakānla mavailuiki kaji kazingramli phārihailu. Chili khalenala maleethuirarmara kala magungnala mazāmara,

LUKE 14:33

Chithada sāda kachikathāna awui khalalei saikora mahorhairarakha iwui sākhangatha̱ masāpaimana.

LUKE 16:9

Kala ina nathumli kahāngna, “Nathum khalatta makathar okathuiwui lan eina ngasotnao phākhui, chithākha lan chi shimān kahai tharan athumna nathumli makashimānpamli zangngasakra.

LUKE 18:22

Jishuna chi kashā eina ali hānga, “Nawui khavāt akha leifaya. Nawui khalalei saikora yorhailaga kachāmnaoli yaohaolu, chithākha kazingramli nawui lan leira, laga rālu, ithi shurlu.”

LUKE 5:27

Chiwui thili Jishuna ayar kashok eina khāshinā shānkhavai shimli Levi kaho khāshinā khaloka mi akha pamkasa thei, chieina ali hānga, “Ithi shurlu.”

LUKE 6:40

Katamnaona Ojāli mareimeimana, kha kāshunglak eina tamchithei kahaiwui thili mi kachiva̱ awui ojā eina ngaraichāpapamhaora.

LUKE 9:23

Ana saikorali hānglui, “Kachikathā mina iwui thi shurga jiakha akhalattawui ningkachāng horhaida awui krush phungda ithi shurranu.

JOHN 10:27

Iwui yaobingna iwui akhon shai; ina athumli thei, kala athumna ili shura.

JOHN 12:26

Kachikathāna ili otram ngatha̱miakha, a ili shurphalungra kala I khalei chili iwui raola sāda leira, ili otram ngatha̱khame mi chili iwui Avāna maiyā ngasakra.

OTSAK 2:45

Athumwui khalalei lan, thongthāng saikora yorhaida kachikathāthā khavātabing saikorali ngayarmi.

HEBREWNAO 10:34

Phātop kazangbingli nathumna chotruma, kala nathumwui ot ngapaithuihailala kashimān chiwui vang ringphai, kaja makashimān kala phākhamei lan ngarānhaida lei kaji nathumna thei.