MATTHEW 19:16 - Kathara Bible (BSI)

¹⁶ Kala yanglu, Jishuwuili mi akhana rāda hānga, “Ojā, ina katang makhavai kharing samphang khavai khi kaphā ot sāphalungrakhala?” da ngahāna.

MATTHEW 19:16 Iomraidhean Croise

DANIEL 12:2

Thida ngaleilungli chizan kahaibing ngakarthuiluira, kaikhana mashimānda okthui khavai, kaikhana maikashi kala katang mavaila ningkachai khavai.

MATTHEW 19:15

Chieina ana athumli somilaga thuihaowa.

MATTHEW 19:26

Kha Jishuna athumli yanglaga hānga, “Mikumowui vanga hi masāpaimana kha Varewui vanga masākapai maleimana.”

MATTHEW 19:29

Kala iwui mingwui vang shim lah chinao ngarā, azarva̱ ngarā, ava̱-avā, naongarā kala ram horkahai mi kachiva̱ shākha mataida samphangra kala makashimān kharing mirin mathunkhuira.

MATTHEW 25:46

Kala athum katang makhavai tandipamli vāra, kha khamashungbingna katang makhavai kharingpamli vāra.”

JOHN 10:28

Ina athumli makashimān kharing mi, chieina athum mathilākmara, kala athumli khipānakha iwui eina mangapaithuimara.

JOHN 12:25

Kachikathāna awui mirinli leishiakha chi shimānra, kha okathui hili awui mirinli mashivāmakha chi katang mavaila leisāra.

JOHN 3:15

Kala ali shitkasanga mi kachiva̱ katang makhavai kharing samphangra.

JOHN 4:14

kha ina miki kaji tara̱ chi khamanga a chi mara̱changluimara. Ina miki kaji tara̱ chiva awuili katang makhavai kharing wurkashoka ura ngasāhaora.”

JOHN 5:39

Nathumna kathara lairikli phai, kaja katang makhavai kharing chi chili samphangra da phaninga; kala iwui vang shakhi sakhami chi chibing china,

JOHN 6:47

Kachangkhat eina ina nathumli kahāngna, shitkasanga mi chi katang makhavai kharing samphanga.

JOHN 6:68

Simon Peterna ngahānkai, “Proho, ithum khipāwuili varakhala? Namāngli makashimān kharing tui chi lei.

OTSAK 16:30

Chiwui thili ana anili thānshoklaga hānga, “Amei khani, ina kahui samphang khavai khi sarakhala?”

ROMNAO 2:7

Mi kaikhava kaphā ot sāchingda lei, kathi makhavai kharing phai; athumli Varena katang makhavai kharing mira.

ROMNAO 5:21

Moreina kathiwuilungli khamung thada, Jishu Khristawui mangā eina samkaphang Varewui lukhamashan china mashung ngasakta ithumli katang makhavai kharing miya.

1 TIMOTHY 1:16

Kha naoda kateibingna ali shitsangda makashimān mirin samphang khavaiwui ngayoyan sāda Khrista Jishuwui kākashung ja̱khami chiwui eina theikhui khavai Varena ili lumashankhamina.

1 TIMOTHY 6:12

Shitkasangwui kaphā rai khangarar chi ngararlu; nana shākhi kachungkhawui mangāli hāngkaphat tharan nali hokhui kahai athishurda katang makhavai kharing chili singtitlu.

1 TIMOTHY 6:19

Chithākha athum khalattawui vang anaolamshongwui kaphā shimphung sākā kahaina. Chieina kachangkhat athumna mirinwui kharing chi samphangpaira.

TITUS 1:2

Chi makashimān mirinwui kachihānli pheisin sai. Makakapika Varena okathui masāranglakha mirin chi ngashitmihaikasāna,

TITUS 3:7

Chieina awui lukhamashan mangā eina ithumli mashungmida ithumna kachihān makashimān kharing mirin chi samphang ngasaka.

1 JOHN 1:2

Kharing kaho chi azak eina theipai kahai tharan ithumna mik eina thei, chiwui vang eina Avāva̱li ngasoda khalei kala ithumli chitheimi kahai makashimān kharingwui pongli nathumli matuida kahāngna.

1 JOHN 2:25

Khristana ithumli mira da ngashitmi kahai chi makashimān mirin china.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.

JUDE 1:21

Proho Jishu Khristawui phaningkhami chiwui mangā eina makashimān mirin miki kaji chi ngaraimamānda Varewui leikashilungli leichinglu.