MATTHEW 19:14 - Kathara Bible (BSI)

¹⁴ Kha Jishuna hānga, “Naoshinaobingli iwuili rāngasaklu, athumli mahaphaialu, khikhalajila wungram hiya athum kathāwuina.”

MATTHEW 19:14 Iomraidhean Croise

HAOKAPHOK 21:4

Kala Varena kaso kahai athishurda Isaac pharāda chishatthang kākashung eina Abrahamna ahui rimshokmi.

MATTHEW 11:25

Atam chili Jishuna phongshoka, “Ina nali ningshili Avā, kazing eina ngaleiwui Proho, khiwui vangkhala kaja nana otbing hi thangkhamei kala katheiabingwui eina thummihailaga angangnaobingli chitheimi,

MATTHEW 18:3

hānga, “Kachangkhat eina ina nathumli kahāngna, nathumna ningngateida naoshinao thada mathaakha kazing wungramli mazangrarlakmara.

MATTHEW 19:15

Chieina ana athumli somilaga thuihaowa.

MATTHEW 5:10

Khamashung khangarongwui vang rekharek kahaibing chi sokhamina, khikhalajila kazing wungram chi athumwui ngasāra!

MATTHEW 5:3

“Manglāli kachāmbing chi sokhamina, khikhalajila kazing wungram chi athumwuina!

MARK 10:14

Jishuna chi kathei tharan malungvāthaowa kala athumli hānga, “Naoshinaobingli iwuili rāngasaklu; mahaphailu; kaja Varewui wungram chi chikathābingwuina.

MARK 10:15

Kachangkhat eina ina nathumli kahāngna, Varewui wungram chi naoshinao akhana khuikasang thada makhuisangakha kachilikha chili mazangmara.”

1 CORINTHNAO 14:20

Ivānaobing nathumwui chukhamja̱li naoshinao mathaalu. Makaphā otli angangnao thada sālu kha chukhamaja̱li khararnao thada sālu.

WUNGVA̱-WUNGVĀ 13:7

Kha ana ili, yanglu, na nao vaida mayarnao akha pharāra; chiwui vang drakhāra̱ranu, zamsheiranu, mamangalu, makathar mashai-mashakalu, kaja kapharā eina thuilaga thithang eina tangda naomayara chi Varewui mangāli Naziritena” da hānga.

1 SAMUEL 1:11

Kala ana khangashit akha sāda hānga, “O saikorawui Proho, kalikhada narao sha̱nao iwui kakhanang hi theimida, kala ili phaningmida, narao ili mamalailakla mayarnao akha misi kaja, awui mirin peida ina Prohowui pāngli mira; kala akuili kuisighai maparmara.”

1 SAMUEL 1:22

Kha Hannahva makāmana, kaja ana agaharali hānga, “Naona na̱ reikhaleoda ina ali Prohowui mangāli khuivāda vāchitheira kala chili apamchangnaoranu.”

1 SAMUEL 1:24

Kala nao china na̱ reikahai eina, kum kathumwui mukkā akha, mathir shungkha, drakhāra̱ sangkhavai sāhuikhongkha da khuiphunglaga Prohowui shim Shilohli khuikai, chitharan nao chi nganuisai.

1 SAMUEL 2:18

Samuelna nganuilakha eina thuida khamenga kachon eina kasā ephod ngavaida Prohowui sheba sai.