MATTHEW 19:10 - Kathara Bible (BSI)

¹⁰ Sākhangatha̱bingna ali hānga, “Preigaharni ngachaili hikathā shokra jiakha ra̱sa makaphā phāmei.”

MATTHEW 19:10 Iomraidhean Croise

HAOKAPHOK 2:18

Chiwui thili Proho Varena hānga, “Mi hi amāng kapam maphāthura; awui vang kachā ngachonme akha sākhuira.”

CHĀNSAM 18:22

Preiva̱ samkaphanga chi kaphā ot samphanga, kala Prohowui eina ngahānkhangai samkaphangna.

CHĀNSAM 21:19

Khamarāk kala khonkazāra sha̱naoli ngasokapamle siwukli okkathuina phāmei.

CHĀNSAM 21:9

Khamarāk sha̱naoli pamrumki kajiwui vanga, shimtung achithek akhali ngateikapam phāmei.

MATTHEW 19:11

Jishuna ngahānkai, “Mi kachiva̱na tamkachithei hi mayāser kaji maningmana, kha Varena mikahai athum māngna khuikasangna.

MATTHEW 19:9

Kha ina nathumli kahāngna, phokaphāwui vang maningla kachikathāna apreiva̱li pānghailaga sha̱nao khangateili khuiakha ana phokaphāna.”

1 CORINTHNAO 7:8

Ra̱sa̱ mapharang kajibing eina ra̱meiva̱bingli kahāngna kaja athumwui vanga iwui thada ra̱sa makaphā phāmei.

1 TIMOTHY 4:3

Chikathā mibingna ngalā kakhui kala kashakazā kaikha kashai-kashak hi mamashungmana da tamchithei. Kha chikathā kashakazā chi shitkasangabing kala khamashung theikahaibingna ningkashiwui seihā sāhailaga khuizā khuimang khavai Varena semkahaina.