MATTHEW 18:35 - Kathara Bible (BSI)

³⁵ Chithada sāda nathumna nachinā ngarāwui khayon khamāng chi wuklung eina mapheomiakha kazingramli khaleia iwui Avā chinala nathum kachiva̱li chithada sāra.”

MATTHEW 18:35 Iomraidhean Croise

CHĀNSAM 21:13

Kachāmabingwui ringkhangāli manganākasang mi chile ana ringkhangā tharan alila mashāmimara.

CHĀNSAM 21:2

Mina awui kasāsā chi awui miktāli mashunga da phaninga, kha Prohona ning onyanga.

JEREMIAH 3:10

Saikora hi thatheilaga makhamashungva̱ achināva̱ Judahna ili ningtongda malatungmana, kha sākhaninga, da Prohona hānga.”

ZECHARIAH 7:12

Saikorawui Prohona awui Manglā eina achālakhawui marānbingli chihoda rākahāng tui kala ain chi shāpaishina da athumwui wuklung lunggui thāda makang ngasaka. Chiwui vang eina ashangva̱ Prohowui eina malungkhavāt rai.

MATTHEW 18:34

Akhavā china malungvāt eina awui leiman saikora marunranglakha eina tangda phātopli sangkhavai kashinabingwui pāngli horsangmihaowa.

MATTHEW 6:12

Ithumli khayonkhamāng kasābingli ithumna pheomi kahai thada, Ithumwui khayonkhamāngla kapheomilu;

MARK 11:25

Kala nathumna nganingda seihā kasā tharan, nana makhamayā mi leisaakha pheomihaifalu; chithākha kazingramli khalei nathumwui Avānala nawui khayon pheomira.

MARK 11:26

(Kha nathumna mapheomiakha kazingramli khalei nathumwui Avānala nathumwui khayon mapheomimara.”)

LUKE 16:15

Kha ana athumli hānga, “Mibingwui miktāli nathum khalatta mashungkhui khavai sāzata, kha Varena nathumwui wuklung theisera, kaja mibingwui miktāli khamathāna da kakhui hiya Varewui miktāli ningkakachaiya otna.

JAMES 2:13

Kaja bichar kasā tharan lumashanmi kahai makhaleia ā chili Varena malumashanmimara, kha bicharliva lukhamashana yui.

JAMES 3:14

Kha nathumwui wuklungli mikpaikashi, ningkakhā, ichāchāwui kaphaning leiakha lāngsoda khamashung chili makapikalu.

JAMES 4:8

Vareli nganailu, chithākha ana nathumli rānganaimira. Morei kaphungabing, nathumwui pāng maziklu. Phākakhaningbing, nathumwui wuklung tharngasaklu.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.